रिलायन्स एकेडेमीले विज्ञान प्रदर्शनी तथा साहित्य मेला गर्दै, ५ हजार विद्यार्थी लाभान्वित हुने अपेक्षा

काठमाडौं । चाबहिल सरस्वतीनगरस्थित रिलायन्स एजुकेशन नेटवर्कअन्तर्गतको रिलायन्स इन्टरनेशनल एकेडेमीले विज्ञान प्रदर्शनी तथा साहित्य मेला आयोजना गर्ने भएको छ । बुधबार एक पत्रकार सम्मेलनमार्फत रिलायन्सले फागुन १ गतेदेखि प्रदर्शनी तथा मेलाको शुभारम्भ गर्न लागेको जानकारी गराएको हो ।

प्रदर्शनी र मेलामार्फत झण्डै पाँच हजार विद्यार्थी लाभान्वित हुने एकेडेमीको अपेक्षा छ । विगत लामो समयदेखि उत्कृष्ट शैक्षिक संस्थाका रुपमा चिनिँदै आएको रिलायन्सको यो चौथो विज्ञान प्रदर्शनी हो भने साहित्यिक मेला पहिलो हो ।

विज्ञान र साहित्य दुवै सिर्जनात्मक पक्ष भएकाले यी दुवै विषयलाई एकसाथ लैजान खोजिएको नेटवर्ककका अध्यक्ष एवम् रिलाइन्स इन्टरनेशन कलेजका प्रिन्सिपल रवीन्द्रजंग थापाले जानकारी दिए ।
विद्यार्थीरुको प्रतिभालाई उजागर गरी विद्यार्थीहरुमा विज्ञान र सूचना प्रविधीको खोज,अनुसन्धान र अवलोकन विधीलाई अवलम्बन गरी उनीहरुलाई निरन्तर रुपमा अभ्यस्त बनाउने उद्देश्यले प्रदर्शनी र मेलाको आयोजना गरिएकोसमेत उनले प्रष्ट पारे । ‘पठनपाठन सँगै यस संस्थाले अतिरिक्त क्रियाकलापलाई पनि विशेष जोड दिँदै आएको छ,’ उनले भने, ‘ विज्ञान प्रदर्शनी तथा साहित्य मेला त्यसैको एउटा पाटो हो ।’

युग सापेक्ष प्रविधि मैत्री र व्यवहारिक क्रियाकलापमा सिकाई प्रणालीलाई जोड दिदै वैज्ञानिक खोज, आविष्कार—अन्वेषण,पुस्तक प्रदर्शनी,लेखकसँग साक्षात्कार र प्रयोगमा आधारित यस विज्ञान प्रदर्शर्नीले करिव ५ हजार विद्यार्थीहरु लाभान्वित हुने अपेक्षा गरिएको कलेजका साइन्स कोअर्डिनेटर यादव पाण्डेले जानकारी दिए ।

प्रदर्शनीमा विज्ञान र सूचना प्रविधि गरी ४९ प्रदर्शनी तथा स्टलहरु रहने जनाइएको छ । अन्य थप विद्यालय स्तरीय विज्ञान प्रदर्शनीहरु समेत रहने छन् । त्यसका अलावा आर्ट पेन्टिङ, एचएम पेन्टिङ, फेस पेन्टिङ, फुड स्टल, बुक स्टल पनि रहने जनाइएको छ ।

साहित्य मेलामा उपन्यासकारद्वय अमर न्यौपाने र उद्घव प्याकुरेलसँग विद्यार्थीहरुले साक्षात्कारसमेत गर्नेछन् । त्यसका साथै समापन समारोहमा पुरस्कार वितरण र साङ्गीतिक कार्यक्रमहरु समेत हुने आयोजकले जनाएको छ ।

प्रदर्शनीमा रिलायन्सका विद्यार्थीहरुद्वारा निर्मित सामग्रीहरुसमेत राखिनेछन् । जसमा  Conservation and Sustainable Management of Musk Deer populations, World of butterflies [Photo Gallery and slide presentation], Smart City: Harnessing solar and Wind Energy in a 3D Model.

Training Belly Breathing: A Scientific technique for improving breathing technique, Preparation of Galvanic cell or Voltaic cell, LIFI: Emergency response system, Design and Development of a model of micro needle saline patches, Presentation of volcanic eruption and its effects, Demonstration of smart irrigation system, Math Club project, Explanation of menstruation cycle  लगायतका स्टल रहनेछन् ।