त्रिवि सेवा आयोगको अध्यक्षमा पूर्वसचिव किशोर थापा

काठमाडौं– सरकारले किशोर थापालाई त्रिभुवन विश्वविद्यालय सेवा आयोगको अध्यक्षमा नियुक्त गरेको छ ।

मन्त्रिपरिषद्को निर्णयअनुसार नेपाल सरकारका पूर्वसचिवसमेत रहेका थापालाई आयोगको अध्यक्षको जिम्मेवारी दिइएको हो । यसअघि अध्यादेशमार्फत तत्कालीन अध्यक्ष पदमुक्त भएपछि उक्त पद लामो समयदेखि रिक्त रहेको थियो।

पूर्वाधार विकास र सार्वजनिक प्रशासनमा लामो अनुभव हासिल गरेका थापाको नियुक्तिसँगै त्रिभुवन विश्वविद्यालय सेवा आयोगले कर्मचारी व्यवस्थापन, पदपूर्ति तथा प्रशासनिक प्रक्रिया अघि बढाउने अपेक्षा गरिएको छ। आयोगमा नेतृत्व रिक्त हुँदा रोकिएका विभिन्न प्रशासनिक कार्यहरू अब अघि बढ्ने विश्वास गरिएको छ।