निःशुल्क ‘मक टेस्ट’ सञ्चालन गर्दै नेपाल इन्जिनियरिङ कलेज, उत्कृष्टलाई नगद पुरस्कार

कलेजका अनुसार “मक टेस्ट” असार ६ गते शनिबार बिहान ८ बजेदेखि १० बजेसम्म नेपाल इन्जिनियरिङ कलेज, चाँगुनारायण–४, भक्तपुरमा सञ्चालन हुनेछ । सहभागी विद्यार्थीहरूले वास्तविक प्रवेश परीक्षाको वातावरणमा आफ्नो तयारीको अभ्यास गर्न सक्नेछन् ।

प्रतियोगितामा उत्कृष्ट प्रदर्शन गर्ने विद्यार्थीहरूलाई नगद पुरस्कारको व्यवस्था गरिएको छ । प्रथम हुनेलाई १० हजार रुपैयाँ, द्वितीय हुनेलाई ५ हजार रुपैयाँ तथा तृतीय हुनेलाई ३ हजार रुपैयाँ प्रदान गरिने कलेजले जनाएको छ ।

विद्यार्थीहरूको सहजताका लागि पिकअप तथा ड्रपसहित बस सेवाको व्यवस्था समेत गरिएको छ । बस सेवासम्बन्धी थप जानकारीका लागि ९८४१०९८२९६ नम्बरमा सम्पर्क गर्न सकिनेछ ।

सन् १९९४ मा स्थापना भएको नेपाल इन्जिनियरिङ कलेज पोखरा विश्वविद्यालयसँग आबद्ध प्राविधिक शिक्षण संस्था हो । कलेजले विभिन्न स्नातक तथा स्नातकोत्तर तहका इन्जिनियरिङ कार्यक्रम सञ्चालन गर्दै आएको छ ।

थप जानकारीका लागि ०१–५२२१०१२, ९७४१८०२०९६ वा [email protected] मा सम्पर्क गर्न सकिने कलेजले जनाएको छ ।