जनदबाबपछि सरकार ब्याकः निजी स्वास्थ्य र शिक्षाबाट ३ प्रतिशत समता कर हट्यो

काठमाडौं—चौतर्फी आलोचना र जनदबाबपछि सरकारले निजी स्वास्थ्य तथा शिक्षामा लगाएको ३ प्रतिशत समता कर हटाउने औपचारिक निर्णय गरेको छ । बुधबार बसेको क्याबिनेट शिक्षा समता शुल्क र स्वास्थ्य समता शुल्क पूर्ण रूपमा छुट दिने निर्णय गरेको हो ।

यससँगै निजी स्वास्थ्य र शिक्षामा लागू गरिएको ३ प्रतिशत अतिरिक्त शुल्क अब नलाग्ने भएको छ । यसअघि चालु आर्थिक वर्षको बजेटमार्फत अर्थमन्त्री स्वर्णिम वाग्लेले निजी स्वास्थ्य र शिक्षामा ३ प्रतिशत समता कर लगाउने घोषणा गरेका थिए ।

साउन १ गतेदेखि लागू भएको उक्त निर्णयप्रति निजी क्षेत्र, सरोकारवाला निकाय, अभिभावक तथा विभिन्न संघसंस्थाबाट तीव्र असन्तुष्टि व्यक्त गरिएको थियो । बढ्दो विरोध र दबाबका बीच सरकारले अन्ततः आफ्नो निर्णय फिर्ता लिएको हो ।

यसअघि मंगलबार प्रधानमन्त्री बालेन्द्र शाहले सामाजिक सञ्जाल फेसबुकमार्फत निजी स्वास्थ्य र शिक्षामा लगाइएको ३ प्रतिशत समता कर फिर्ता लिने घोषणा गरेका थिए ।

करिब आठ वर्षअघि हटाइएको यो शुल्क सरकारले यस वर्षको बजेटमार्फत पुनः लागू गरेको थियो ।