विश्वविद्यालय अनुदान आयोगको अध्यक्षमा प्रा.डा. केसी, सचिवमा प्रा.डा. श्रेष्ठ

काठमाडौं—सरकारले विश्वविद्यालय अनुदान आयोगको अध्यक्षमा प्रा.डा. खड्गबहादुर केसीलाई नियुक्त गरेको छ । बुधबार बसेको मन्त्रिपरिषद्को बैठकले प्रा.डा. केसीलाई अध्यक्षमा नियुक्त गरेको हो ।

शिक्षा तथा खेलकूद मन्त्री एवं सरकारका प्रवक्ता सस्मित पोखरेलले पर्वतका उनलाई विश्वविद्यालय अनुदान आयोगको अध्यक्षमा नियुक्ति गर्ने निर्णय क्याबिनेटले गरेको जानकारी दिए ।

यस्तै, विश्वविद्यालय अनुदान आयोगको सचिवमा प्रा. डा. रोजेश श्रेष्ठ नियुक्त भएका छन् । उनी भोजपुरका हुन् ।