Techie IT
  • बुधबार, मंसीर ३, २०८३ / Wednesday, November 18, 2026
  • काठमाडौं
Education Samachar

Education Samachar

Nepal's No.1 Educational News Portal

गृहपृष्ठ ∕ समाचार ∕ उपत्यकाव्यापी विद्यालय स्तरीय नृत्य प्रतियोगितामा माउण्ट ग्लोरी पहिलो हुँदा मनास्लु दोस्रो

उपत्यकाव्यापी विद्यालय स्तरीय नृत्य प्रतियोगितामा माउण्ट ग्लोरी पहिलो हुँदा मनास्लु दोस्रो


काठमाडौँ । उपत्यकाव्यापी विद्यालय स्तरीय लोक नृत्य प्रतियोगितामा माउन्ट ग्लोरी स्कुलले प्रथम स्थान हासिल गरेको छ । राष्ट्रिय निजी तथा आवासीय विद्यालय एसोसिएसन नेपाल काठमाडौँ जिल्लाको आयोजनामा आयोजित प्रतियोगितामा माउण्ट ग्लोरीले प्रथम स्थान हासिल गरेको हो ।

यसैगरी दोस्रो स्थान चुच्चेपाटीस्थित रहेको मनास्लु वर्ल्ड स्कुलले हात पारेको छ ।

त्यस्तै विपुल शिक्षा सदन तेस्रो भएको हो । प्रतियोगितामा प्रथम, द्वितीय र तृतीय हुने प्रतियोगी विद्यालयले क्रमशः २५ हजार २० हजार र १५ हजार नगद पुरस्कारका साथै प्रमाणपत्र तथा ट्रफी प्राप्त गरेका छन् । उत्कृष्ट दश स्थान प्राप्त गर्ने प्रतियोगीले समेत ट्रफि, प्रमाणपत्र र मेडल प्राप्त गरेका छन् ।

पाँचौँ संस्करणको उपत्यकाव्यापी विद्यालय स्तरीय लोक नृत्य प्रतियोगितामा ७५ वटा विद्यालयहरूको सहभागिता रहेको थियो ।

ऊर्जा, जलस्रोत तथा सिँचाइ मन्त्री शक्ति बहादुर बस्नेत प्रमुख अतिथि रहेको उक्त कार्यक्रममा विभिन्न सरोकारवालाहरूको उपस्थिति रहेको प्याब्सन काठमाडौँ सचिवालय सदस्य तथा प्रचारप्रसार विभाग प्रमुख राजन श्रेष्ठले जानकारी बताए ।



तपाईको प्रतिक्रिया

ताजा अपडेट

धेरैले पढेको