सबैको सहमतिमा शिक्षा विधेयकलाई फिर्ता लिऔँ–लिङ्देन

काठमाडौं । राष्ट्रिय प्रजातन्त्र पार्टीका अध्यक्ष राजेन्द्र लिङ्देनले संसदमा आइपुगवेको विद्यालय शिक्षा विधेयकलाई सबैको सहमतिमा फिर्ता लिन आग्रह गरेका छन् । विद्यालय शिक्षा सम्बन्धि विधेयकलाई एकीकृत गर्न बनेको विधेयकमाथि प्रतिनिधि सभा बैठकमा आफ्नो धारणा राख्दै उनले विधेयकलाई फिर्ता लिनुपर्ने बताएका हुन् ।

छलफलमा बोल्ने क्रममा लिङ्देनले शिक्षकहरुलाई निजामती सरह सेवा सुविधा दिनुपर्ने बताए । ‘शिक्षकहरुले अब कहिल्यैपनि आफ्नो भविष्यलाई लिएर आन्दोलन गर्न नपरोस्,’ उनले भने, ‘त्यसैले यसलाई अहिले फिर्ता लिएर पुनर्लेखन गरौँ ।’

त्यस्तै, लिङ्देनले शिक्षकहरुलाई भेदभावपूर्ण व्यवहार नगर्नसमेत उनले आग्रह गरेका छन् । ‘शिक्षकलाई राहत, करार, बाल शिक्षकका रुपमा राखेर भेदभाव गरिएको छ,’ उनले भने, ‘शिक्षकलाई यसरी भेदभाव गर्नु राम्रो होइन ।’