‘टेक एक्स २०२३’ सफ्टवेरिका कलेज काठमाडौंमा सफलतापूर्वक सम्पन्न

काठमाडौं—आईटी र ई–कमर्स कलेजको रूपमा चिनिने सफ्टवेरिकाले आफ्नो कलेज परिसरमा जुलाई २७ देखि जुलाई ३० सम्म गरेको ‘स्मार्ट टेक्नोलोजी’ प्रदर्शनी सम्पन्न भएको छ । राजनीतिज्ञ, सेलिब्रेटीलगायत १० हजारभन्दा बढी सर्वसाधारणको उक्त प्रदर्शनी अवलोकन गरेको कलेजले जनाएको छ ।

४ दिने प्रदर्शनीमा सफ्टवेरिका कलेजमा अध्ययनरत विद्यार्थीहरूले तयार पारेका परियोजनाहरू प्रदर्शन गरेका थिए । कार्यक्रममा ३० भन्दा बढी नवप्रवर्तनहरू थिए र मुख्य आकर्षण रोबोटको लडाकु ‘रोबो वार’ थियो

कार्यक्रमको अन्तिम दिन टोली ‘भाइपर स्ट्राइक’ ले रोबो वार जितको थियो भने ‘काजाडोर’ उपविजेता बनेको थियो । विजेता टोलीले क्रमसः ७५ हजार रुपैयाँ र उपविजेता टोलीले २५ हजार रुपैयाँ प्राप्त गरेका थिए ।

कार्यक्रमको उद्घाटनसञ्चार तथा सूचना प्रविधि मन्त्री रेखा शर्माले गरेकी थिइन् ।

सफ्टवेरिका कलेजमा अध्ययनरत विद्यार्थीहरूले तयार पारेका परियोजनाहरू प्रदर्शन गर्न प्रत्येक वर्ष प्रदर्शनी आयोजना गरिन्छ । यसपटक ‘आइओटी एक्सपो’ नामले चिनिने सफ्टवेयर प्रदर्शनीलाई ‘टेक एक्सपो’ नाम दिइएको थियो ।