सामुदायिक विद्यालयले भाडामा लगाएका सटरमा महानगरको ताला

काठमाडौं—काठमाडौं महानगरपालिकाले महानगरभित्रका सामुदायिक विद्यालयले भाडामा लगाएका सटरहरुमा ताला लगाएको छ । महानगरले सामुदायिक विद्यालयले व्यवसायिक प्रयोजनका लागि सटर भाडामा लगाउन नपाउने नीतिअनुसार ताला लगाएको जनाएको छ ।

महानगरपालिकाका मेयर बालेन शाह निर्वाचित भएपछि उनले व्यापक सुधारका कामहरु गर्दै आएका छन् । सामुदायिक विद्यालयका सटरहरु भाडामा लगाएर पैसा कमाउने कदम विरुद्ध एक्सनमा उत्रिएपछि उनको थप चर्चा चुलिएको छ ।

महानगरको शिक्षा विभाग र महानगर प्रहरीले टोलीले आइतबार ४ वटा सामुदायिक विद्यालयले भाडामा लगाएरका सटरहरु बन्द गराएको हो । सोमबार नयाँ बानेश्वरस्थित रत्नराज्य माध्यमिक विद्यालयसहित भाडामा लगाएका सटरमा ताला लगाएको हो ।

महानगरभित्रका ३७ वटा सामुदायिक विद्यालयहरुले भाडामा लगाएका सटरहरु बन्द गर्ने बालेन टोली एक्सनमा छ । भाडामा लगाएका सामुदायिक विद्यालयका ठाउँहरुलाई अध्यापन र अन्य क्रियाकलापमा प्रयोग गरिनेछ ।