पोखरा विश्वविद्यालयको उपकुलपति पदका लागि दरखास्त आह्वान

काठमाडौं– शिक्षा विज्ञान तथा प्रविधि मन्त्रालयले रिक्त रहेको पोखरा विश्वविद्यालयको उपकुलपति पदका लागि दरखास्त आह्वान गरेको छ । मन्त्रालयले आइतबार एक सूचना जारी गर्दै १० दिनभित्र दरखास्त दिन आह्वान गरेको हो ।

रिक्त उपकुलपतिका लागि नाम सिफारिस गर्न गठित छनोट तथा सिफारिस समितिबाट कात्तिक २४ गते स्वीकृत कार्यविधि बमोजिम दरखास्त आह्वान गरिएको मन्त्रालयले जनाएको छ ।

इच्छुक व्यक्तिले अनलाइन माध्यमबाट पनि दरखास्त पेश गर्न सकिने मन्त्रालयले जनाएको छ । जसका लागि मन्त्रालयको www.moest. gov.np मा दिइएको लिंकमा गई दरखास्त दिन सकिनेछ ।