भारतीय सीबीएसई बोर्डद्वारा १२ कक्षाको रिजल्ट प्रकाशित, ८८.३९ प्रतिशत पास

भारतको सेन्ट्रल बोर्ड अफ सेकेण्डरी एजुकेशन (सीबीएसई)ले १२ कक्षाको बोर्ड परीक्षाको नतिजा सार्वजनिक गरेको छ । सार्वजनिक नतिजाअनुसार ८८.३९ प्रतिशत विद्यार्थीले १२ कक्षा पास गरेका छन् ।

अघिल्लो वर्षको तुलनामा पास हुने प्रतिशत ०.४१ प्रतिशतले बढेको छ । परीक्षामा छात्रभन्दा छात्राले राम्रो नतिजा ल्याएका छन् । छात्राको पास प्रतिशत ९१ प्रतिशतभन्दा बढी छ, जुन छात्रको भन्दा ५.९४ प्रतिशत बढी हो ।

भारतका विभिन्न ठाउँहरुमध्येमा विजयवाडाको रिजल्ट सबैभन्दा राम्रो रहेको छ ।

१. विजयवाडा —९९.६० प्रतिशत पास
२. त्रिवेन्द्रम —९९.३२ प्रतिशत पास
३. चेन्नई —९७.३९ प्रतिशत पास
४. बैंगलुरु —९५.९५ प्रतिशत पास
५. दिल्ली पश्चिम — ९५.३७ प्रतिशत पास
६. दिल्ली पूर्व — ९५.०६ प्रतिशत पास
७. चढीगढ — ९१.६१ प्रतिशत पास
८. पंचकुला — ९१.१७ प्रतिशत पास
९. पुणे — ९०.९३ प्रतिशत पास
१०. अजमेर — ९०.४० प्रतिशत पास