हिसानको अध्यक्षमा शर्मा, महासचिवमा सिलवाल निर्वाचित

काठमाडौं । उच्च शिक्षालय तथा माध्यमिक विद्यालय संघ (हिसान)को नवौं राष्ट्रिय महाधिवेशनबाट अध्यक्षमा युवाराज शर्मा निर्वाचित भएका छन् । शर्माले लोकबहादुर भण्डारीलाई पराजित गर्दै हिसानको अध्यक्षमा निर्वाचित भएका हुन् । शर्माले १६० मत प्राप्त गर्दै अध्यक्ष पदमा विजयी हुँदा भण्डारीले १०६ मत प्राप्त गरेका थिए ।

यसैगरी, वरिष्ठ उपाध्यक्षमा टंकराज आचार्य र डा. स्वागत श्रेष्ठ निर्वाचित भएका छन् । त्यस्तै, महासचिवमा रामहरी सिलवाल निर्वाचित भएका छन् । । सिलवालले १४८ मत प्राप्त गर्दा उनका प्रतिस्पर्धी जयराम खनालले ११८ मत प्राप्त गरेका थिए ।

शुक्रबारबाट सुरु भएको हिसानको महाधिवेशनमा नयाँ नेतृत्वका लागि शनिबार मतदान भएको थियो । पदाधिकारीका लागि मतदान भएपनि ५९ जना केन्द्रीय सदस्य भने निर्विरोध निर्वाचित भएका थिए ।

उपाध्यक्ष पदका १३ मध्ये ११ जना सर्वसम्मत (निर्विरोध) निर्वाचित भएका छन् । निर्विरोध निर्वाचित उपाध्यक्षहरूमा आर.वि. अधिकारी, ऋषी तिवारी, डोलराज पाण्डे, धरणीधर अधिकारी, नरेन्द्र बहादुर अधिकारी, मुकुन्द घिमिरे, राजेन्द्र अधिकारी, विरेन्द्र जयना श्रेष्ठ, विष्णुराज पौडेल, सुमन गोपाल आचार्य र हरिचन्द्र लामिछाने रहेका छन् ।

सचिवमा, कृष्ण प्रसाद पौडेल १४३, जीवन लामा गोले १६७, पारश श्रेष्ठ १४५, भवानी प्रसाद पौडेल २१९, यम बहादुर रोका १४५, राजेश कार्की १४३, बलराम पन्त १५५ मत सहित विजयी भएका छन् । कोषाध्यक्षमा शिव प्रसाद अधिकारि निर्विरोध निर्वाचित भएका छन् । यस्तै सह–कोषाध्यक्षमा शंकर भट्टराई निर्वाचित भएका छन् ।

यस्तै, खुला सदस्यमा केपि पन्त, केशव प्रसाद दंगाल, दिवाकर जैसि, हरीकृष्ण अर्याल, आजिवन सदस्यमा शिव प्रसाद सुवेदी, कोशी प्रदेश (३ जना) केशव खड्का, गुणराज अधिकारी, सागर प्रसाद भट्टराइ, मधेश प्रदेश (३ जना) मा मुकेश प्रसाद गुप्ता, वावुसाहेव यादव, लुम्बिनी प्रदेश (३ जना)ः उत्तमराज घिमिरे, गणेश भण्डारी, दिनेश भुषाल, कर्णाली प्रदेश (१ जना)ः प्रेम वहादुर दसुनी, सुदूरपश्चिम प्रदेश (१ जना)ः डा. भोजराज पन्त निर्विरोध निर्वाचित भएका छन् ।