पिसिएल नर्सिङको शुल्क ६ लाख २४ हजार, एचएको ५ लाख २३ हजार रुपैयाँ

काठमाडौं-प्राविधिक शिक्षा तथा व्यवसायिक तालिम परिषद् (सिटीईभिटी)ले स्वास्थ्यका प्रमाणपत्र तहका केही कोर्सहरुको शुल्क वृद्धि गरेको छ । परिषद्ले आगामी शैक्षिक सत्रदेखि लागु हुने गरी पिसिएल नर्सिङ, सामान्य चिकित्सा (एचएन) र डिप्लोमा इन फार्मेसीको शुल्कमा भारी वृद्धि गरेको हो ।

पिसिएल नर्सिङमा परिषद्ले ६ लाख २४ हजार २३० रुपैयाँ शुल्क तोकेको छ । जुन निजी शैक्षिक संस्थाहरुले तीन इन्स्ट्रलमेन्टमा लिन पाउनेछन् ।

यसैगरी, सामान्य चिकित्सा (एचए)मा ५ लाख २३ हजार ८२० रुपैयाँ शुल्क निर्धारण गरिएको छ । प्रमाणपत्र तहको फार्मेसीमा ४ लाख २३ हजार ६६० रुपैयाँ शुल्क तोकिएको छ । यी दुवैको कोर्सको शुल्क पनि तीन इन्स्ट्रलमेन्टमा तिर्नुपर्नेछ ।