यी हुन् शिक्षा क्षेत्रका दर्जन समस्या

काठमाडौं । शिक्षा, विज्ञान तथा प्रविधि मन्त्रालयले शैक्षिक क्षेत्रमा रहेका विभिन्न चुनौतिको पहिचान गरेको छ । मन्त्रालयले गरेको अध्ययनबाट नेपालमा शिक्षा क्षेत्रम १२ वटा मूख्य समस्या तथा चुनौती रहेको पाइएको हो ।

मन्त्रालयका अनुसार आम नागरिकको पहुँचमा पुस्तकालय विस्तार गर्नुलाई मूख्य चुनौती ठानेको छ । शिक्षामा लगानी थप, पठक संस्कृतिको विकास र विस्तार गर्नु, सिकाइलाई प्रविधिसँग जोड्दै लैजानु, दिगो लगानी स्रोत पहिचान गर्नु, हरेक क्षेत्रको गुरुयोजना बनाई कार्यान्वयनमा लैजान समस्या रहेको छ ।

त्यसैगरी विज्ञान र प्रविधिलाई उपयोग गर्नु, सबैको पहुँचमा लैजानु, मन्त्रालयसम्बद्ध परीक्षा बोर्ड तथा कार्यालयको एकीकृत संगठनात्मक स्वरूप निर्धारण गर्नु, राष्ट्रिय किताबखाना (शिक्षक) को सेवालाई सरल र प्रभावकारी बनाउनु, शिक्षक सेवा आयोगको क्षमता अभिवृद्धि गरी सेवाको गुणस्तर सुनिश्चित गर्नु र प्राविधिक तथा व्यावसायिक शिक्षा र सिप विकास तालिमको संस्थागत संरचना सुधार र गुणस्तर सुनिश्चित गर्न चुनौती रहेको मन्त्रालयले जनाएको छ ।