समाचार
नेपाल मेडिकल कलेजमा एमबीबीएस पढिरहेका २०० विद्यार्थी गन्हाउने खाना दिएको भन्दैं आन्दोलनमा
![](https://ap-south-1.linodeobjects.com/educationsamachar/2024/01/NMc-2.jpg)
काठमाडौं—क्यान्टिनमा गन्हाउने खाना दिएको भन्दैं अत्तरखेलस्थित नेपाल मेडिकल कलेजमा एमबीबीएस अध्ययनरत २०० बढी विद्यार्थीहरुले आन्दोलन सुरु गरेका छन् ।
आइतबारबाट कलेजको ओपीडी अगाडि बसेर आन्दोलन थालेका उनीहरुले यसअघि पटक—पटक खाना गुणस्तरबारे कलेज प्रशासनको ध्यानाकर्षण गराउँदा पनि सुुधार नभएपछि आन्दोलन गर्नु परेको बताएका छन् ।
ओपीडी ब्लक अगाडि ढोकैमा विद्यार्थीहरुले ‘कलेजको दादागिरी बन्द चल्दैन्’, ‘मेसमा कार्ड सिष्टम लागु गर’लगायतका नाराहरु लेखिएका प्ले कार्डहरु प्रदर्शन गरिरहेका छन् । एमबीबीएस अध्ययनरत विद्यार्थीहरुले कलेजका अध्यक्ष, प्रबन्ध निर्देशकलाई दशैं अघि नै सबै विद्यार्थी गएर क्यान्टिनको गुणस्तर सुधार गर्न आग्रह गरेपनि नटेरेका कारण यस्तो अवस्था सिर्जना भएको बताए ।
एक विद्यार्थीले कलेज प्रशासनले क्यान्टिनको गुणस्तर सुधारमा ध्यान नदिएको र आफूहरुलाई बाहिर गएर खानसमेत नदिएर दादागिरी गरेको आरोप बताए । ‘गुणस्तरीय खाना भएन भनेर पटक—पटक निवेदन पनि दियौ,’ उनले भने, ‘क्यान्टिनले कहिले झिंगा परेको, कहिले चिसो खाना दिने, दालमा पिठो मिसाइदिने, बासी तरकारी दिने हुन थाल्यो ।’ त्यसका सुधारका लागि पटक—पटक विद्यार्थीहरुले आग्रह गरेका थिए ।
तर, कलेज प्रशासनले त्यसमा सुनुवाई नगरेपछि विद्यार्थीहरुले आन्दोलन सुरु गरेका हुन् । विद्यार्थीले क्यान्टिन शुल्कका रुपमा सुरुमै एक वर्षको १ लाख ५० हजार रुपैयाँ बुझाउने गर्छन् ।
ताजा अपडेट
- ६ वर्षपछि विपीमा १९५ जना शिक्षकको एक तह बढुवा
- इन्टरनेशनल प्रसिडेन्ट फ्याब्रीसियोको उपस्थितिमा लायन्स डिष्ट्रिक्ट ३२५ ई नेपालको पहिलो बैठक सम्पन्न
- काठमाडौं महानगरद्वारा छात्रवृत्ति परीक्षाको नतिजा सार्वजनिक (नतिजासहित)
- दुई विषयसम्म अनुत्तीर्ण विद्यार्थीले मौका परीक्षा दिन पाउने त्रिभुवन विश्वविद्यालयको निर्णय
- बंगलादेशबाट १७ जना विद्यार्थी नेपाल आइपुगे, अरुको अवस्था के छ ?
- त्रिवि उप–प्राध्यापक छनौट : २०७७ सालमा विज्ञापन, ०८१ मा लिखित परीक्षा !
- को हुन् शिक्षामन्त्री विद्या भट्टराई ? यस्तो छ उनको पृष्ठभूमी
- शिक्षा, विज्ञान तथा प्रविधि मन्त्रीमा विद्या भट्टराई नियुक्त
धेरैले पढेको
- नेपालका २५ अब्बल माविहरू (भिडियोसहित)
- चैत १५ गतेबाट एसईई परीक्षा गर्ने बोर्डको निर्णय, पहिलो दिन अंग्रेजी
- एसईई परीक्षा रद्द हुँदा के हुन्छ ? राष्ट्रिय परीक्षा बोर्डका अध्यक्ष शर्माले यसो भने
- काठमाडौं पूर्वी भेगकै उत्कृष्ट मन्टेश्वरी ‘किड्स वर्ल्ड किन्डरगार्टेन’को वार्षिकोत्सव सम्पन्न
- NSL Nepal Open International Pickleball Tournament 2024: A Success Story
- नतिजाका आधारमा देशभरकै टप ५ भित्र मनास्लु वर्ल्ड कलेज
- हजारौं कलेजको भीडमा साउथवेस्टन स्टेटलाई नै किन रोज्ने ?
- सेन्ट लरेन्सलाई ‘कलेज अफ दि इयर’ एवार्ड
तपाईको प्रतिक्रिया