Techie IT
  • शनिबार, जेठ ५, २०८१ / Sunday, May 19, 2024
  • काठमाडौं
Education Samachar

Education Samachar

Nepal's No.1 Educational News Portal

गृहपृष्ठसमाचारकक्षा १२ को परीक्षा आजदेखि सुरु, ३ लाख ९० हजार ८४७ परीक्षार्थी सहभागी

कक्षा १२ को परीक्षा आजदेखि सुरु, ३ लाख ९० हजार ८४७ परीक्षार्थी सहभागी


काठमाडौं—कक्षा १२ को वार्षिक परीक्षा सुरु भएको छ । शुक्रबार विहान ८ बजेदेखि देशभरमा एकैसाथ शान्तिपूर्ण रुपमा परीक्षा सुरु भएको राष्ट्रिय परीक्षा बोर्डले जनाएको छ ।

विहान ८ बजे सुरु भएको परीक्षा दिउँसो ११ बजेसम्म संचालन हुनेछ । ७७ जिल्लाका एक हजार पाँच सय २५ परीक्षा केन्द्रमा संचालन भइरहेको परीक्षा २८ बैशाखमा सकिनेछ । जापानस्थित एउटा केन्द्रबाट पनि कक्षा १२ को वार्षिक परीक्षा संचालन भइरहेको छ ।

कक्षा १२ को परीक्षामा नियमिततर्फ १ लाख ९६ हजार ९१४ छात्रा र १ लाख ९३ हजार ९३३ जना छात्रा गरी ३ लाख ९० हजार ८४७ जना परीक्षार्थी सहभागी छन् । ग्रेडवृद्धितर्फ भने १ लाख ६५० जना विद्यार्थी सहभागी रहेको राष्ट्रिय परीक्षा बोर्डले जनाएको छ ।

देशभरका ५ हजार ५४२ विद्यालयका विद्यार्थी परीक्षामा सहभागी छन् । परीक्षा सञ्चालनका लागि केन्द्राध्यक्ष, सहायक केन्द्राध्यक्ष, निरीक्षक, कर्मचारी, कार्यालय सहयोगी गरी ३४ हजार एक सय ७१ जनशक्ति र १८ हजार तीन सय प्रहरी परिचालन हुने भएका छन् ।



तपाईको प्रतिक्रिया