
काठमाडौं । काठमाडौं बसुन्धारास्थित साउथवेस्टन स्टेट कलेजमा पिपल चौतारी गजल साँझ २०८१ सम्पन्न भएको छ । साउथवेस्टन साहित्य समाजको आयोजनामा हिजो (शुक्रबार) गजल साँझ सम्पन्न भएको हो ।
नेपाली कला र साहित्यको विकासमा योगदान दिँदै आएको साउथवेष्टन स्टेट कलेजले साहित्यिक समाजको गठन गरी २०६८ सालदेखि नियमित गजल साँझ गर्दै आएको छ । यसलाई अझै परिस्कृत रुपमा निरन्तरता दिने साउथ वेष्टन साहित्य समाजका अध्यक्ष राजेन्द्रप्रसाद लामिछानेले जानकारी दिए । ‘हामीले नेपाली कला साहित्यलाई विकास गर्ने उद्धेश्यले हरेक वर्ष पिपल चौतारीमा साहित्यिक अनुुरागीहरुलाई निमन्त्रणा गरी साहित्यमा रम्दै रमाउँदै आएका छौँ,’ उनले भने, ‘यो कार्यक्रमले पक्कै पनि नेपाली साहित्यमा एउटा इँटा थप्ने काम गरेको छ भन्ने विश्वास लिएको छु, हामी यसलाई अझै परिस्कृत गर्दै लैजानेमा दृढ छौँ ।’
गजल साँझमा तीन दर्जनभन्दा बढी साहित्यकारहरुले प्रस्तुति दिएका थिए । जसमा अधिकांशले गजल प्रस्तुत गरेका थिए । लामिछानेको अध्यक्षतामा सम्पन्न भएको कार्यक्रममा बरिष्ठ साहित्यकार रामबहादुर पहाडीकोको प्रमुख आतिथ्यता रहेको थियो ।
त्रिभुवनचन्द्र वाग्लेले सञ्चालन गरेको कार्यक्रममा ललिजन रावल, रवि प्रान्ज्वल, वियोगी बुढाथोकी, करुण थापा, डा. शैलेन्द्रुुप्रकाश नेपाल, सन्तोष अम्गाईं, मानन्धर अभागी, भैरवी भुगोल, बलराम दाहाल, घनेन्द्र ओझा, राधा कँडेल, दिपेश घिमिरे, भाग्यशाली अधिकारी, उदास कार्की, मिलन अधिकारी, संगीतकार सन्तोष श्रेष्ठ, बिदुर तिमिल्सिना, उत्तम विचार, गणेश खतिवडा, पौडेले विमुन्स, आँचल कुमार, अञ्जान यात्री लगायतले आफ्नो सिर्जना प्रस्तुत गरेका थिए ।
गजल साँझको सुरुवातमा साहित्य समाजकी कोषाध्यक्ष रेणुका भण्डारीले कार्यक्रममा उपस्थित साहित्यिक अनुरागीहरुलाई मन्तव्यमार्फत स्वागत गरेकी थिइन् ।
कार्यक्रमका विशेष अतिथि साउथवेस्टन स्टेट कलेजका सहायक क्याम्पस प्रमुख हरिसिंह केसीले गजलकारका सेरले पिपल चौतारी साँच्चै चौतारी जस्तो भएको बताए । ‘सधैं एक्लो रहने पिपल चौतारी आज साहित्यकारका साहित्यिक रचनाले मन्त्रमुुग्ध भएको छ,’ उनले भने, ‘आगामी दिनहरुमा पनि हामी यसलाई निरन्तरता दिने छौँ ।’
चौतारीमा संस्कृति, राजनीति, राष्ट्रप्रेम, प्रेमभाव, घरायसीदेखि आकाश छुनेसम्मका सिर्जनाहरु प्रस्तुत भएको उनले बताए । कार्यक्रममा बोल्दै उनले भने, ‘पिपल चौतारीले काब्यिक प्रेम बाँडेको मलाई अुनुुभूूति भएको छ ।’
कार्यक्रममा डा. शैलेन्द्रुुप्रकाश नेपालले यस कार्यक्रमको निरन्तरताको कामना गरे । कार्यक्रममा बोल्ने क्रममा उनले गजलसमेत सुनाएका थिए ।
कार्यक्रमका प्रमुख अतिथि रामबहादुर पहाडीले एउटा शैक्षिक संस्थाले साहित्यको क्षेत्रमा पुुर्याएको योगदानको कदर गर्दै गजलसमेत सुनाएका थिए ।
ताजा अपडेट
- काठमाडौं महानगरको छात्रवृत्तिका लागि १७ हजारभन्दा बढी विद्यार्थीले दिए आवेदन, कुन विषयमा कति ?
- सुदूरपश्चिम विश्वविद्यालयको सिनेट : एक अर्ब ५४ करोड रुपैयाँ बजेट स्वीकृत
- राजर्षि विश्वविद्यालयको सिनेट : ३७ करोड ९३ लाख रुपैयाँ बजेट स्वीकृत
- मध्यपश्चिम विश्वविद्यालयको सिनेट : एक अर्ब ३६ करोड बजेट स्वीकृत
- काठमाडौं महानगरले सामुदायिक विद्यालयको शिक्षा सुधारका लागि ल्यायो यस्तो कार्यक्रम
- नेपाली हेल्थका प्रधान सम्पादक न्यौपानेलाई ब्लोदानको सम्मान
- नर्सिङ अध्ययन गर्न चाहनेलाई गोकर्णेश्वर नगरपालिकाले ५० प्रतिशत छात्रवृत्ति दिने
- अध्ययन बिदा दुरुपयोग गर्ने प्राध्यापकमाथि त्रिविको डण्डा, झण्डै २ अर्ब निवृत्तिभरण कोषमा जम्मा हुँदै
धेरैले पढेको
- नेपालका २५ अब्बल माविहरू
- विद्यार्थीबाट असुलेको बढी शुल्क फिर्ता गर्न सिटिइभिटीले दिएको निर्देशन तिलगंगाले मानेन
- माट्रिका आइ सेन्टरले गरायो एक व्यक्तिलाई माइनस २६ पावरको चश्माबाट मुक्त, के हो त्यस्तो प्रविधि ?
- रिलायन्स इन्टरनेशनल एकेडेमीका १९ जना विद्यार्थीले ल्याए ४ जीपीए
- राष्ट्रिय परीक्षा बोर्डद्धारा एसईईको परीक्षाफल प्रकाशित, ६१.८१ प्रतिशत विद्यार्थी ग्रेडेड
- नेपाल पक्षघात संघको पहलमा पक्षघातका बिरामीले पाउने भए निःशुल्क औषधि, मन्त्रीले गरे यस्तो निर्णय
- आन्दोलनरत शिक्षकहरुबाटै पिटिए सिन्धुपाल्चोकस्थित बोल्दे विद्यालयका कार्यालय सहयोगी
- आज साँझसम्म एसईईको नतिजा प्रकाशित गर्ने बोर्डको निर्णय
तपाईको प्रतिक्रिया