इन्टरनेशनल प्रसिडेन्ट फ्याब्रीसियोको उपस्थितिमा लायन्स डिष्ट्रिक्ट ३२५ ई नेपालको पहिलो बैठक सम्पन्न

काठमाडौं । लायन्स डिष्ट्रिक्ट ३२५ ई नेपालको पहिलो क्याबिनेट अफिसर इन्टलेसन एण्ड फस्ट क्याबिनेट बैठक सम्पन्न भएको छ । लायन्सको इन्टरनेशनल प्रेसिडेन्ट फ्याब्रीसियो एलिभेराको प्रमुख आतिथ्यतामा काठमाडौंको चुच्चेपाटीस्थित हायत होटलमा बैठक सम्पन्न भएको हो ।

लायन्सको १०८ वर्षे इतिहासमै पहिलोपटक इन्टरनेशनल प्रेसिडेन्टको उपस्थितिमा उक्त बैठकमा विभिन्न १७ वटा क्लबले संयुक्त रुपमा आयोजना गरेका थिए । बैठकमामा फर्स्ट लेडी अमारीलेस एलिभेरासमेतको उपस्थिति रहेको थियो ।

बैठकमा क्याबिनेट अफिसरहरूलाई इन्टरनेशनल पिन र प्रमाणपत्र वितरण गरिएको थियो । १५ वटा जिल्लाका डिष्ट्रिक्ट गर्भनरसहित झन्डै सात सय भन्दा बढी लायन लिडरको बैठकमा सहभागिता रहेको थियो । लायन्सका यस्ता बैठक वर्षेनी चारवटासम्म हुने गर्दछ ।

बैठकमा इन्टरनेशनल डाइरेक्टर बालकृष्ण बुर्लाकोटी, पास्ट इन्टरनेशनल डाइरेक्टर संजय खेतान लगायत अन्य अतिथिहरूको उपस्थिति रहेको थियो । बैठकको अध्यक्ष एवम् डिष्ट्रिक्ट गभर्नर रामशरण बस्नेतले विश्वमा नै यो वर्ष डिष्ट्रिक्ट हप्ता सबैभन्दा बढी सेवा गतिविधिहरू सफलतापूर्वक सम्पन्न गरी ‘माइ लियोन पोर्टल’मा रिपोर्टिङ गरेर डिष्ट्रिक्ट ३२५ ई पहिलो भएकोमा खुसी व्यक्त गरे ।

त्यस्तै, बैठकमा मल्टिपल को–अर्डिनेटर पास्ट डिष्ट्रिक्ट गभर्नर अनन्तप्रसाद भेटुवालले इन्टरनेशनल प्रेसिडेन्टको परिचय पोर्चुगिज भाषामा गराउँदा हलले प्रशंसा गरेको थियो । उक्त परिचयको इन्टरनेशनल प्रेसिडेन्टलेसमेत प्रशंसा गरेका थिए ।