त्रिवि केन्द्रीय क्याम्पसको स्ववियु सभापतिमा नेविसंघका जोशी विजयी

काठमाडौं—त्रिभुवन विश्वविद्यालय केन्द्रीय क्याम्पसको स्ववियु सभापतिमा नेपाल विद्यार्थी संघका दीपकराज जोशी निर्वाचित भएका छन् ।

उनी आफ्ना निटकतम प्रतिद्वन्द्वी अनेरास्ववियुका सिद्धान्त भट्टलाई ८ मतान्तरले पराजित गर्दै सभापतिमा निर्वाचित भएका हुन् ।

सोमबार भएको निर्वाचनमा जोशीले ७८९ मत प्राप्त गरेका थिए भने भट्टले ७८१ मत ल्याएका थिए।

अनेरास्ववियुले सचिव, कोषाध्यक्षसहित सबै सदस्य जित्न सफल भएको छ भने अध्यक्षमा ९ मतले दोस्रो भएको छ । सचिव, कोषाध्यक्ष र सदस्यहरुमा अनेरास्ववियुका उम्मेदवार विजयी बनेका हुन् ।

सचिवमा हिक्मत कुमार बुढा र कोषाध्यक्षमा सञ्च माया सुब्बा निर्वाचित बनेका छन् ।

६ हजार १४६ मतदाता रहेको त्रिविमा तीन हजार ११८ मत खसेको थियो।