त्रिभुवन विश्वविद्यालयको उपकुलपतिको जिम्मेवारी प्रा.डा. केसीलाई

काठमाडौं—त्रिभुवन विश्वविद्यालयको उपकुलपतिको जिम्मेवारी रेक्टर प्रा.डा. खड्ग केसीलाई दिइएको छ ।

प्रधानमन्त्री तथा विश्वविदालयका कुलपति केपी शर्मा ओलीले प्रा डा केसीलाई बढीमा तीन महिनाका लागि जिम्मेवारी दिएका हुन् ।

पदपूर्ति नभएसम्मका लागि त्रिभुवन विश्वविद्यालय ऐन, २०४९ को दफा २१ (ख) बमोजिम कुलपति ओलीको गत चैत ३१ गतेको निर्णयानुसार केसीलाई उक्त जिम्मेवारी तोकिएको हो ।

विश्वविद्यालयका उपकुलपति प्रा. डा. केशरजंग बरालले दिएको राजीनामा गत चैत २८ गते स्वीकृत भएको थियो ।

उपकुलपति प्रा.डा. केशरजंग बरालले दिएको राजीनामा २७ चैतमा प्रधानमन्त्री ओलीले स्वीकृत गरेका थिए । त्यसपछि त्रिवि नेतृत्वबिहीन बनेको थियो ।