२१ साउनअघि विद्यालय शिक्षा विधेयक पास गर्न शिक्षक महासंघको ‘अल्टिमेटम’

काठमाडौं—नेपाल शिक्षक महासंघले २१ साउनअघि विद्यालय शिक्षा विधेयक प्रतिनिधीसभाबाट पास गराउन अल्टिमेटम दिएको छ । २ साउनमा महासंघले एक विज्ञप्ती जारी गर्दै विगतमा शिक्षा, विज्ञान तथा प्रविधी मन्त्रालय र नेपाल शिक्षक महासंघबीच भएको २७ बुँदे सहमति आफूहरुको बटमलाइन भएको समेत उल्लेख गरेको छ ।

‘यो अवधिमा विद्यालय शिक्षा विधेयक प्रतिनिधीसभाबाट पारित भई अगाडि नबढेमा वा नेपाल शिक्षक महासंघसँग भएका सहमति विपरित प्रबन्ध गरी अघि बढेमा नेपाल शिक्षक महासंघ विगतमा भन्दा कडा र सशक्त आन्दोलन गर्ने कुरा उद्घोषण गर्दछ,’ महासंघले भनेको छ । उसले आन्दोलनका कार्यक्रमहरु पनि सार्वजनिक गर्ने उल्लेख गरेको छ ।

महासंघले सहमतिअनुसार विधालय शिक्षा विधेयकको काम अगाडि बढाउन आग्रह गर्दै अन्यथा आरम्भ हुने आन्दोलन र त्यसबाट उत्पन्न हुने कठोर परिणामप्रति राज्यपक्ष नै जिम्मेवारी हुने बताएको छ ।