एसईई रिजल्ट प्रकाशनका लागि अन्तिम तयारी, कसरी हेर्न सकिन्छ ?

काठमाडौं—राष्ट्रिय परीक्षा बोर्ड माध्यमिक शिक्षा परीक्षा (एसईई)को नतिजा प्रकाशनको अन्तिम तयारीमा जुटेको छ । वोर्डका एक उच्च अधिकारीकाअनुसार नतिजाका लागि लगभग सबै तयारी सकिएको छ ।

बोर्डले नतिजा लेटर ग्रेडिङ निर्देशिका–२०७२ अनुसार नै सार्वजनिक गर्नेछ ‘सम्भवतः आजै नै नतिजा प्रकाशित गर्ने तयारीमा छौं,’ ती उच्च अधिकारीले भने, ‘रिजल्ट प्रकाशनको अन्तिम तयारीमा छौं । केही प्राविधिक समस्या आए एक दिन ढिला हुन सक्छ ।’

एसईईको नतिजा वेबसाइट, एसएमएस र आईभीआरबाट हेर्न सकिने व्यवस्था गरिएको सूचना वोर्डले प्रकाशित गरिसकेको छ । जसअनुसार नेपाल टेलिकमको एसएमएस र आईभीआर १६००, बोर्डको वेबसाइट www. see.gov.np, www.neb.gov, www.see.ntc.net.np नेलगायतबाट हेर्न सकिनेछ ।

२०७९ चैत १७ गतेदेखि २९ गतेसम्म भएको एसईईमा देशभरका झण्डै ४ लाख ८५ हजार परीक्षार्थी सहभागी छन् ।