नामअघि ‘Dr.’ लेखेर सर्वसाधारण झुक्याउनेलाई अब कडा कारबाही

काउन्सिलले नेपाल मेडिकल काउन्सिल ऐन, २०२० अनुसार मान्यता प्राप्त शिक्षण संस्थाबाट आधुनिक चिकित्सा प्रणालीअन्तर्गत अध्ययन पूरा गरी काउन्सिलमा दर्ता भएका व्यक्तिलाई मात्र ‘चिकित्सक’को मान्यता दिइने जनाएको छ । त्यस्तै विशेषज्ञ चिकित्सकका लागि सम्बन्धित विषयमा स्नातकोत्तर तहको अध्ययन तथा तोकिएको विशेषज्ञ तालिम पूरा गरेको हुनुपर्ने व्यवस्था रहेको उल्लेख गरिएको छ ।

सूचनामा पछिल्लो समय विभिन्न अस्पताल, क्लिनिक, परामर्श केन्द्र तथा सामाजिक सञ्जालमार्फत गैर–चिकित्सक व्यक्तिहरूले समेत नामअघि ‘Dr.’ लेखेर सर्वसाधारणलाई झुक्याउने, भ्रम सिर्जना गर्ने तथा उपचारसम्बन्धी गतिविधि सञ्चालन गर्ने प्रवृत्ति बढेको भन्दै गम्भीर चिन्ता व्यक्त गरिएको छ ।

काउन्सिलले आफूले नपाएको डिग्री, डिप्लोमा, लाइसेन्स वा उपाधि प्रयोग गर्नु कानुनविपरीत हुने स्पष्ट पार्दै यस्ता गतिविधिमाथि ‘Zero Tolerance’ नीति अपनाइने जनाएको छ ।

साथै उपचार लिनुअघि सम्बन्धित व्यक्ति नेपाल मेडिकल काउन्सिलमा दर्ता चिकित्सक हो वा होइन भन्ने विवरण अनिवार्य रूपमा जाँच गर्न सर्वसाधारणलाई आग्रह गरिएको छ ।