केबीए ग्लोबलको चितवनमा ‘मल्टि डेस्टिनेशन एजुकेशन फेयर’ सम्पन्न

केबीए ग्लोबलको चितवन शाखाले वैदेशिक अध्ययनमा रुचि राख्ने विद्यार्थी तथा अभिभावकलाई लक्षित गर्दै ‘मल्टि डेस्टिनेशन एजुकेशन फेयर’ सम्पन्न गरेको छ । कक्षा १२ को परीक्षा सकेर उच्च शिक्षाका लागि विदेश जाने तयारीमा रहेका विद्यार्थीलाई लक्षित फेयरमा एक सयभन्दा बढी विद्यार्थी तथा अभिभावक सहभागी भएका थिए ।

केबीए ग्लोबलका नेपालस्थित बिजनेस डेभलपमेन्ट डाइरेक्टर विनोद दाहालका अनुसार विद्यार्थीलाई उपयुक्त अध्ययन गन्तव्य र विश्वविद्यालय छनोटमा सहयोग पुर्‍याउने उद्देश्यले कार्यक्रम आयोजना गरिएको हो । फेयरमार्फत अमेरिका, अष्ट्रेलिया, क्यानडा, बेलायत, दक्षिण कोरिया र न्युजिल्याण्डका विभिन्न विश्वविद्यालयका प्रतिनिधिसँग विद्यार्थी तथा अभिभावकको प्रत्यक्ष अन्तरक्रिया गराइएको छ ।

सहभागीले विभिन्न देशका विश्वविद्यालय, अध्ययन कार्यक्रम, भर्ना प्रक्रिया र सम्भावनाबारे जानकारी लिएका थिए । दाहालका अनुसार यसले उपयुक्त देश र विश्वविद्यालय छनोटसम्बन्धी अन्योलता कम गर्न सहयोग पुगेको छ ।

यसअघि केबीए ग्लोबलले गत जेठ २७ गते काठमाडौँमा समेत भव्य रूपमा एजुकेशन फेयर सम्पन्न गरेको थियो । काठमाडौँमा आयोजित उक्त फेयरमा ३०० भन्दा बढी विद्यार्थी तथा अभिभावकहरूको उल्लेख्य सहभागिता रहेको थियो । काठमाडौँको भव्य सफलतापछि चितवनमा यो कार्यक्रम आयोजना गरिएको संस्थाले जनाएको छ ।

चितवन फेयरका अवसरमा केबीए ग्लोबलले आइइएलटीएस र पीटीई तयारी कक्षाका लागि ५० प्रतिशतसम्म छात्रवृत्ति तथा सिट बुकिङ गर्ने विद्यार्थीलाई विशेष छुटको व्यवस्था गरेको थियो । साथै, तयारी कक्षामा सहभागी हुने विद्यार्थीलाई अतिरिक्त शुल्कबिनै सीपमूलक तालिमसमेत उपलब्ध गराइने जनाएको छ ।

केबीए ग्लोबलले यस्ता कार्यक्रमले वैदेशिक अध्ययनका लागि सही सूचना प्रदान गर्दै विद्यार्थी तथा अभिभावकलाई उपयुक्त शैक्षिक संस्था छनोटमा सहयोग पुग्ने विश्वास व्यक्त गरेको छ ।