समाचार
शिक्षा मन्त्री राईले गरे डा. देवकोटा, डा. कोइराला, डा. रुइत र महावीर पुनको प्रशंसा
काठमाडौं—शिक्षा, विज्ञान तथा प्रविधि मन्त्री अशोककुमार राईले स्व. डा. उपेन्द्र देवकोटा, डा. भगवान कोइराला, डा. सन्दुक रुइत र महावीर पुनको खुलेर प्रशंसा गरेका छन् । बुधबार संघीय संसद, प्रतिनिधिसभाअन्तर्गत गठित शिक्षा, स्वास्थ्य तथा सूचना प्रविधि समितिको बैठकमा उनले उनीहरुले विदेशमा प्राप्त ज्ञान र आनन्दको जीवन छोडेर नेपालको माटोका लागि योगदान गरेको भन्दै खुलेर प्रशंसा गरे ।
‘उहाँहरुले विदेशमा विदेशमा राम्रो हैसियत बनाउन सक्ने हुँदा पनि देशको माग सिगार्न बस्नु भएको छ । तर, हामीले हाम्रो भाइ बहिनीहरु छोराछोरीहरुमा यो भावना जगाउन सकेनौं,’ उनले भने, ‘मलाई लाग्छ शिक्षा मन्त्रालयमा काम गर्ने हामीहरुले चिन्ता गर्नु पर्ने चिन्तन गर्नुपर्ने गम्भीर पक्ष यो हो । ’
शिक्षा, विज्ञान तथा प्रविधि मन्त्रालयको वर्तमान अवस्था, समस्या एवं चुनौतीका सम्बन्धमा आयोजित छलफलमा उनले समस्या पैसा, जनशक्ति र भौतिक संरचनाको अभावबाट मात्रै नभएको भन्दै उनले सोचमै समस्या भएको बताए ।
‘समस्या हाम्रो सोचमा छ । हामीले ती सोचलाई व्यारिएरलाई किन तोड्न सकिराखेका छैनौं भन्ने मलाई अनुभव भइरहेको छ,’ उनले भने, ‘अब ऐन कानुनहरु निर्माणाधीन छन्, प्रक्रियामा छन् । ’
उनले ऐन नियम निर्माणलगायतका आवश्यक काम भइरहेको बताएका उनले आफूले जीवनको उत्तराद्र्धमा सकेसम्म देशको लागि केही गरौं भन्ने लक्ष्यका साथ काम गरिएको जिकिर गरे ।
छलफलमा सहभागी सासंदहरुले सरकारले योजनावद्ध काम गर्न नसकेको भन्दै आलोचना गरेका थिए ।
सांसद सुमना श्रेष्ठले विद्यार्थीहरु पास मात्रै भएका छन् कि आवश्यक ज्ञान पनि सिकेका छन् भन्ने कुराको अनुगमन नै नभएको तर्क गरिन् । परिणाममै शिक्षाको गुणस्तरण मापन हुनुपर्ने उनको माग छ ।
सांसद तोसिमा कार्कीले बजेट उपयोगमा शिक्षा क्षेत्र चुकेको आरोप लगाइन् । शिक्षा क्षेत्रको सुधारका लागि बजेट नै नलाग्ने संघीय शिक्षा ऐन र विश्व विद्यालय छाता ऐन टेवल हुनु आवश्यक रहेको उनको भनाइ थियो ।
४३ प्रतिशत नर्स विदेशिएको भन्दै उनले विद्यालयमा नर्स व्यवस्था गर्ने व्यवस्था कार्यान्वयन नभएको भन्दै आपत्ति जनाइन् ।
ताजा अपडेट
- हेल्पद्वारा कक्षा ११ र १२ अध्ययनका लागि ७२ जना विद्यार्थीलाई छात्रवृत्ति प्रदान
- ६ वर्षपछि विपीमा १९५ जना शिक्षकको एक तह बढुवा
- इन्टरनेशनल प्रसिडेन्ट फ्याब्रीसियोको उपस्थितिमा लायन्स डिष्ट्रिक्ट ३२५ ई नेपालको पहिलो बैठक सम्पन्न
- काठमाडौं महानगरद्वारा छात्रवृत्ति परीक्षाको नतिजा सार्वजनिक (नतिजासहित)
- दुई विषयसम्म अनुत्तीर्ण विद्यार्थीले मौका परीक्षा दिन पाउने त्रिभुवन विश्वविद्यालयको निर्णय
- बंगलादेशबाट १७ जना विद्यार्थी नेपाल आइपुगे, अरुको अवस्था के छ ?
- त्रिवि उप–प्राध्यापक छनौट : २०७७ सालमा विज्ञापन, ०८१ मा लिखित परीक्षा !
- को हुन् शिक्षामन्त्री विद्या भट्टराई ? यस्तो छ उनको पृष्ठभूमी
धेरैले पढेको
- नेपालका २५ अब्बल माविहरू (भिडियोसहित)
- चैत १५ गतेबाट एसईई परीक्षा गर्ने बोर्डको निर्णय, पहिलो दिन अंग्रेजी
- एसईई परीक्षा रद्द हुँदा के हुन्छ ? राष्ट्रिय परीक्षा बोर्डका अध्यक्ष शर्माले यसो भने
- काठमाडौं पूर्वी भेगकै उत्कृष्ट मन्टेश्वरी ‘किड्स वर्ल्ड किन्डरगार्टेन’को वार्षिकोत्सव सम्पन्न
- NSL Nepal Open International Pickleball Tournament 2024: A Success Story
- नतिजाका आधारमा देशभरकै टप ५ भित्र मनास्लु वर्ल्ड कलेज
- हजारौं कलेजको भीडमा साउथवेस्टन स्टेटलाई नै किन रोज्ने ?
- सेन्ट लरेन्सलाई ‘कलेज अफ दि इयर’ एवार्ड
तपाईको प्रतिक्रिया