Techie IT
  • सोमबार, जेठ ७, २०८१ / Monday, May 20, 2024
  • काठमाडौं
Education Samachar

Education Samachar

Nepal's No.1 Educational News Portal

गृहपृष्ठकलेजत्रिवि सेवा आयोगका अध्यक्षसमक्ष कर्मचारीले गरे ९ बुँदे माग पेस

त्रिवि सेवा आयोगका अध्यक्षसमक्ष कर्मचारीले गरे ९ बुँदे माग पेस


काठमाडौं । त्रिवि कर्मचारी संघले त्रिवि सेवा आयोगका नवनियुक्त अध्यक्ष प्रा.डा. घनश्याम भट्टराईसमक्ष ९ बुँदे माग पेस गरेका छन् । संघले नवनियुक्त अध्यक्ष भट्टराईलाई बधाई ज्ञापन गर्दै ९ बुँदे मागपत्र पेस गरेको हो ।

संघका अध्यक्ष छत्रबहादुर कार्कीले विश्वविद्यालयलाई आवश्यक पर्ने दक्ष योग्य जनशक्ति छनौट गर्ने महत्त्वपूर्ण जिम्मेवारी बोकेको आयोगले गर्ने कामकारबाहीप्रति विश्वास गर्न लायक हुने अपेक्षा रहेको बताए ।

संघले त्रि.वि. कार्यकारी परिषदबाट विज्ञापनका लागि पठाई सकिएको श्रेणी विहीन कर्मचारीहरूको विज्ञापन यथाशीघ्र प्रकाशित गर्नुपर्ने माग राखेको छ । त्यस्तै विज्ञापन नम्बर १८ सँग सम्बन्धित पुस्तकालय अधिकृत लगायत पदमा अन्तरवार्ता समेत भएर नतिजा प्रकाशन गर्न मात्र रोकिएका पदहरूको यथाशीघ्र नतिजा प्रकाशित गर्न समेत माग गरेको छ ।

त्यस्तै सवारी चालकहरूको प्रयोगात्मक परीक्षा सम्पन्न भइसकेको र कुनै विवादमा नभएको परीक्षा समेत विना कारण रोकिएकोले तुरुन्त नतिजा प्रकाशित गर्न समेत माग गरेको छ । त्रि.वि. सेवा आयोगले वार्षिक कार्य योजनासहितको विज्ञापन प्रकाशन, परीक्षा सञ्चालन र नतिजा प्रकाशनको कार्य तालिका नै बनाएर काम अघि बढाइनुपर्ने लगायतका माग रहेका छन् ।



तपाईको प्रतिक्रिया