घुस लिएको आरोपमा प्रधानाध्यापक अख्तियारको नियन्त्रणमा

गुलरिया—अख्तियार दुरुपयोग अनुसन्धान आयोगले घुस लिएको आरोपमा एक जना प्रधानाध्यापकलाई नियन्त्रणमा लिएको हो । २६ भदौंमा बर्दियाको राजापुर नगरपालिका—७ मा भिष्मापुरस्थित श्री सरस्वती बाल प्राथमिक विद्यालय शंकरपुरकी प्रधानाध्यापक लक्ष्मीदेवी उपाध्यायलाई नियन्त्रणमा लिएको हो ।

अख्तियारकाअनुसार हाजिरी गराउन सहजीकरण गरिदिने भनेर घुस लिएको भन्दैं उनी विरुद्ध उजुरी परेको थियो । त्यसपछि प्रधानाध्यापक उपाध्याय विरुद्ध अनुसन्धानका लागि अख्तियारको बुटवल कार्यलय र सम्पर्क कार्यलय नेपालगन्जबाट टोली खटिएको थियो ।

टोलीले प्रधानाध्यापक उपाध्यायलाई सेवाग्राहीबाट १४ हजार ५ सय रुपैयाँ घुससहित राजापुर नगरपालिका—४ स्थित सरस्वती भवन नजिकबाट नियन्त्रणमा लिएको थियो । उनीमाथि थप अनुसन्धान जारी रहेको अख्तियारले जनाएको छ ।