Techie IT
  • शनिबार, जेठ ५, २०८१ / Sunday, May 19, 2024
  • काठमाडौं
Education Samachar

Education Samachar

Nepal's No.1 Educational News Portal

गृहपृष्ठसमाचारचिकित्सा शिक्षाका १५ कार्यक्रमका ७६०६ सिट बाँडफाँड, कुन कलेजलाई केमा कति सिट ?

समाचार

चिकित्सा शिक्षाका १५ कार्यक्रमका ७६०६ सिट बाँडफाँड, कुन कलेजलाई केमा कति सिट ?


काठमाडौं—चिकित्सा शिक्षा आयोगले स्वास्थ्यका १५ वटा कार्यक्रमका लागि सिट बाँडफाँड गरेको छ । मंगलबार आयोगले एमबीबीएस, बिडिएस, बिएएमएस, बीएस्सी नर्सिङ, बीएनएसलगायतका १५ स्वास्थ्यका कार्यक्रमका लागि ७६०६ सिट  बाँडफाँड गरेको हो ।

आयोगले एमबीबीएसमा १९२५ सिट विभिन्न २१ मेडिकल कलेजलाई बाँडफाँड गरेको छ । बिडिएसतर्फ ५४५ सिट १४ वटा मेडिकल कलेजलाई बाँडिएको छ । यसैगरी, बीएएमएसमा ३ कलेजलाई १०० सिट बाँडफाँड गरिएको छ

आयोगले बिएस्सी नर्सिङतर्फ ५६ कलेजलाई १७२० सिट बाँडेको छ । यसैगरी, बिएनएसमा ३८ कलेजलाई ११३० सिट बाँडफाँड गरिएको छ । बीएस्सी मिडवाइफ्री र बिएएसएलपीमामा महाराजगन्ज क्याम्पसले मात्रै क्रमसः २० र ६ सिट पाएको छ । बीर्फटेकमा महाराजगंज मेडिकल क्याम्पसले ३ र विपी कोइराला स्वास्थ्य विज्ञान प्रतिष्ठान २ सिट पाएका छन् ।

बीएमएसमा ७ वटा कलेजलाई १ सय ३० सिट बाँडफाँड गरिएको छ भने २७ वटा कलेजलाई बीएस्सी एमएलटीमा ३३५ सिट बाँडिएको छ ।

१० कलेजलाई बीएस्सी एमआईटीमा ८० सिट, ६ कलेजलाई विपीटीमा १२५ सिट, २६ कलेजलाई बीफर्मामा ७०५ सिट, ४ वटा कलेजलाई बी अप्टोमा ८० सिट, ३३ कलेजलाई बिपीएचमा ६० सिट बाँडफाँड गरिएको छ ।



तपाईको प्रतिक्रिया