स्नातकोत्तर शिक्षाशास्त्र संकायका लागि त्रिविले खुलायो भर्ना

त्रिभुवन विश्वविद्यालयको शिक्षाशास्त्र संकाय, डीनको कार्यालयले शैक्षिक सत्र २०८०÷०८१ को लागि स्नातकोत्तर तहमा भर्नाको लागि प्रवेश परीक्षा आवेदन खुला गरेको छ । कार्यालयले एक सूचना जारी गर्दै भर्नाका लागि प्रवेश परीक्षाको आवेदन खुला गरेको हो ।

प्रवेश परीक्षा आगामी मंसिर २९ गते दिउँसो १ बजेबाट सञ्चालन हुने जनाइएको छ । जसको नतिजा पुष ४ गते सार्वजनिक गरिने त्रिविले जनाएको छ ।

शिक्षाशास्त्र संकायले सेमेष्टर प्रणालीमा आधारित एमएड र एमएसएसइडी (मास्टर अफ सोसियल स्टडीज एजुकेशन) शैक्षिक कार्यक्रमको लागि भर्ना प्रवेश परीक्षाको आवेदन खुला गरेको हो ।

१ मंसिरदेखि आवेदन खुला गरेको संकायले २५ मंसिरसम्म इच्छुक विद्यार्थीले आवेदन फारम अनलाइनमार्फत बुझाउन सक्नेछन् । एक हजार पाँच सय तोकिएको प्रवेश परीक्षा शुल्क ई–सेवा बाट मात्रै भुक्तानी गर्नुपर्ने त्रिविले जनाएको छ ।