एमबीबीएस र बिडिएस इन्ट्रान्स रिजल्ट : एमबीबीएसमा ६८३२ र बिडिएसमा २६८२ पास

काठमाडौं—चिकित्सा शिक्षा आयोगले आगामी शैक्षिक सत्रका लागि लिइएको एमबीबीएस र बिडिएसको प्रवेश परीक्षामा ९ हजार ५ सय १४ जना विद्यार्थी उत्तीर्ण भएका छन् । बिहीबार साँझ आयोगले शैक्षिक सत्र २०८०/०८१ मा एमबीबीएस र बिडिएसतर्फ भर्नाका लागि लिइएको प्रवेश परीक्षाको नतिजा प्रकाशित गरेको हो ।

एमबीबीएसतर्फ ६ हजार ८ सय ३२ जनाले नाम निकालेका छन् । यसैगरी, बिडिएसतर्फ २ हजार ६ सय ८२ जनाले प्रवेश परीक्षा पास गरेका छन् ।

आयोगले एमबीबीएस र बिडिएस भर्नाका लागि १८ र १९ कात्तिकमा प्रवेश परीक्षा संचालन गरेको थियो ।