मेडिकल काउन्सिलको विशेष लाइसेन्स परीक्षामा ७१.४३ प्रतिशत उत्तीर्ण

काठमाडौं—नेपाल मेडिकल काउन्सिलको विशेष लाइसेन्स परीक्षामा ७१.४३ प्रतिशत उत्तीर्ण भएका छन् । शुक्रबार भएको लाइसेन्स परीक्षामा ४३ विधाका चिकित्सकहरु सहभागी थिए ।

परीक्षामा सहभागी ४३ विधाका ४२० जना परीक्षार्थीहरुमध्ये ३०० जना उत्तीर्ण उत्तीर्ण भएका हुन् । ११९ जना अनुत्तीर्ण भएका छन् भने १ जनाको नतिजा प्रकाशन रोक्का भएको काउन्सिलका रजिष्ट्रार डा. कृष्णप्रसाद अधिकारीले जानकारी दिए ।

यसअघि ९ मंसिर २०७९ मा लिइएको विशेषज्ञ दर्ता प्रमाणपत्र परीक्षामा ७४.१६ प्रतिशत परीक्षार्थी उत्तीर्ण भएका थिए ।

परीक्षाको नतिजामा चित्त नबुझेमा परीक्षार्थीले यो सूचना प्रकाशित भएको मितिले पैंतीस (३५) दिन भित्र पूनर्योगका लागि १ हजार ५ सय रुपैयाँसहित काउन्सिलमा इमेल गर्न सकिनेछ ।