पहिलोपटक र्‍याण्डम विधिबाट तोकियो कक्षा १२ को परीक्षा केन्द्र, कसको सेन्टर कहाँ ? (सूचिसहित)

काठमाडौं । राष्ट्रिय परीक्षा बोर्डले कक्षा १२ को परीक्षा केन्द्र सार्वजनिक गरेको छ । बोर्डले पहिलोपटक र्‍याण्डम अर्थात स्वचालित प्रक्रियाबाट परीक्षा केन्द्र तोकी बिहिबार सार्वजनिक गरेको हो ।

परीक्षा केन्द्रलाई प्रभावमा पारी आफ्नो विद्यार्थीलाई सजिलो र प्रतिस्पर्धी विद्यालयका विद्यार्थीहरूलाई विभिन्न हैरानी दिने गुनासो आएपछि शिक्षा विज्ञान तथा प्रविधि मन्त्री सुमना श्रेष्ठले समस्या समाधान गर्न परीक्षा केन्द्र स्वचालित (र्‍याण्डम) प्रक्रियाबाट तोक्न निर्देशन दिएकी थिइन् ।

मन्त्रीको निर्देशनपश्चात मन्त्रालय र बोर्डको प्राविधिक टोलीले एक सफ्टवेयर डेभलप गरी पहिलो पटक काठमाडौं जिल्लाका परीक्षा केन्द्रहरु र्याण्डम विधिबाट तोकिएको हो ।

बोर्डका अनुसार परीक्षार्थीको सङ्ख्या र परीक्षा केन्द्रको सिट सङ्ख्याको आधारमा विद्यालय र केन्द्रको भौगोलिकताको आधार मा दूरी निकालिएको थियो । विद्यालयबाट नजिक पर्ने केन्द्रलाई प्राथमिकता दिइएको थियो । एकै विद्यालयको परीक्षार्थी सङ्ख्या हेरी सकभर औसतमा १५० भन्दा बढी परीक्षार्थी एकै केन्द्रमा नपर्ने गरी बाँडिएको बोर्डले जनाएको छ ।

कक्षा १२ को परीक्षा आगामी वैशाख १४ गतेदेखि २६ गतेसम्म सञ्चालित हुनेगरी बोर्डले तालिका सार्वजनिक गरेको छ ।

कुन कलेजकाे सेन्टर कहाँ ?