विश्वविद्यालय अनुदान आयोगद्वारा उत्कृष्ट कलेज छनोटका लागि आवेदन माग

काठमाडौँ । उत्कृष्ट क्याम्पस छनोटका लागि विश्वविद्यालय अनुदान आयोगले आवेदन मागेको छ । राष्ट्रिय शिक्षा दिवसको अवसरमा ‘नेपाल विद्याभूषण, नेपाल प्रविधि विद्याभूषण, नेपाल छात्रा विद्यापदक र राष्ट्रिय शिक्षा पुरस्कार सम्बन्धी निर्देशिका, २०७७’ मा भएको व्यवस्थाअनुसार आवेदन माग गरेको हो ।

भदौ १६ गतृेभित्र तोकिएको प्रक्रिया, मापदण्ड र ढाँचासहित आवेदन दिनुपर्ने आयोगको सूचनामा उल्लेख छ । आयोगले विश्वविद्यालयबाट सम्बन्धन लिई सञ्चालनमा रहेका आङ्गिक क्याम्पसका साथै सामुदायिक र निजी (प्राइभेट) क्याम्पसका लागि उक्त आवेदन माग गरेको हो ।

आयोगले आङ्गिक, सम्बन्धनप्राप्त सामुदायिक र सम्बन्धनप्राप्त निजी गरी ३ वटा क्याम्पसलाई उत्कृष्ट क्याम्पसको पुरस्कार प्रदान गर्नेछ ।