रौतहटमा फार्मेसी पढिरहेकी १८ वर्षीया विद्यार्थी मृत फेला

काठमाडौं—रौतहटको गजेन्द्रनारायण सिंह स्मृति फाउण्डेसनमा फार्मेसी पढिरहेकी एक जना छात्रा मृत फेला परेकी छन् ।

बिहीबार विहान को गरुडा नगरपालिका—१ स्थित फाउण्डेसनको होस्टेलमा बाराको विश्रामपुर—५ घर भएकी १८ वर्षीया छात्रा सुमन कुमारी बैठा मृत फेला परेकी हुन् ।

रौतहट प्रहरीअनुसार बैठा होस्टेलको कोठामा मृत अवस्थामा भेटिएकी थिइन् । उनी डिप्लोमा इन फार्मेसी पहिलो वर्ष अध्ययरत रहेको प्रहरीले जनाएको छ ।

गजेन्द्रनारायण सिंह स्मृति फाउण्डेसनले डिप्लोमा इन फार्मेसी, पिसिएल इन एमएलटी र पिसिएल इन जनरल मेडिसिन अध्यापन गराउँदैं आएको छ ।