त्रिविको लापरवाही : परीक्षा त्रिविको प्रश्नपत्र दिल्लीको !

काठमाडाैं । त्रिभुवन विश्वविद्यालयले प्रश्नपत्रमा चरम लापरवाही गरेको पाइएको छ । सोमबार त्रिविले सञ्चालन गरेको स्नातक तह चार वर्षे कार्यक्रम तेस्रो वर्षको पर्यटन विकास विषयको प्रश्नपत्र दिल्ली विश्वविद्यालयको वितरण गरेसँगै त्रिविको लापरवाही छताछुल्ल भएको हो ।
नेपालको पर्यटन विकासबारे अध्ययन गरेका विद्यार्थीलाई भारतीय इतिहासबारे सबै प्रश्न सोधिएको थियो । यसले त्रिविको हदैसम्मको लापावाही गर्ने प्रवृत्तिलाई फेरि एकपटक बाहिरिएको हो ।
परीक्षा एउटा विषयको अनि प्रश्न अर्कै विषयको सोधिँदा तीन घन्टाको परीक्षामा विद्यार्थीहरू परीक्षा हलमा ३० मिनेट अन्योलमा परेका थिए । ७० पूर्णाकको प्रश्नमा समूह ए मा ३० नम्बरको तीन प्रश्न र समूह बी मा ४० नम्बरको चारवटा प्रश्न सोधिएको थियो। सबै भारतीय इतिहासबारे थिए । जुन विद्यार्थीले अध्ययन गरेकै थिएनन् ।
उसो त यतिबेला परीक्षा नियन्त्रण कार्यालयका पदाधिकारी र प्रश्नपत्र निर्माणको जिम्मेवारी पाएका प्राध्यापकहरुको आलोचना भइरहेको छ ।
त्रिविका परीक्षा नियन्त्रण पुष्पराज जोशीले भने प्रश्नपत्रमा त्रुटी भएको स्वीकार गरेका छन् । ‘असार २८ गतेनै सम्पन्न भएको भारतीय इतिहास विषयको प्रश्नपत्र सोमबारको पर्यटन विकास विषयको परीक्षामा मानवीय त्रुटिबस केन्द्रमा पुग्न गएको हो,’ उनले भने, ‘त्रिविले २९ वटा ऐच्छिक विषयको पठनपाठन गराउँछ। इतिहासमा भारतीय, अमेरिका, युरोपलगायत थुप्रै देशका पढाइन्छ। विद्यार्थीले रुचीअनुसारको विषय छनोट गरी पढ्छन्, सोमबारको पर्यटन विषयको परीक्षामा पनि मानवीय त्रुटि भएको हो ।’
ताजा अपडेट
- काठमाडौं महानगरको छात्रवृत्तिका लागि १७ हजारभन्दा बढी विद्यार्थीले दिए आवेदन, कुन विषयमा कति ?
- सुदूरपश्चिम विश्वविद्यालयको सिनेट : एक अर्ब ५४ करोड रुपैयाँ बजेट स्वीकृत
- राजर्षि विश्वविद्यालयको सिनेट : ३७ करोड ९३ लाख रुपैयाँ बजेट स्वीकृत
- मध्यपश्चिम विश्वविद्यालयको सिनेट : एक अर्ब ३६ करोड बजेट स्वीकृत
- काठमाडौं महानगरले सामुदायिक विद्यालयको शिक्षा सुधारका लागि ल्यायो यस्तो कार्यक्रम
- नेपाली हेल्थका प्रधान सम्पादक न्यौपानेलाई ब्लोदानको सम्मान
- नर्सिङ अध्ययन गर्न चाहनेलाई गोकर्णेश्वर नगरपालिकाले ५० प्रतिशत छात्रवृत्ति दिने
- अध्ययन बिदा दुरुपयोग गर्ने प्राध्यापकमाथि त्रिविको डण्डा, झण्डै २ अर्ब निवृत्तिभरण कोषमा जम्मा हुँदै
धेरैले पढेको
- नेपालका २५ अब्बल माविहरू
- विद्यार्थीबाट असुलेको बढी शुल्क फिर्ता गर्न सिटिइभिटीले दिएको निर्देशन तिलगंगाले मानेन
- माट्रिका आइ सेन्टरले गरायो एक व्यक्तिलाई माइनस २६ पावरको चश्माबाट मुक्त, के हो त्यस्तो प्रविधि ?
- रिलायन्स इन्टरनेशनल एकेडेमीका १९ जना विद्यार्थीले ल्याए ४ जीपीए
- राष्ट्रिय परीक्षा बोर्डद्धारा एसईईको परीक्षाफल प्रकाशित, ६१.८१ प्रतिशत विद्यार्थी ग्रेडेड
- नेपाल पक्षघात संघको पहलमा पक्षघातका बिरामीले पाउने भए निःशुल्क औषधि, मन्त्रीले गरे यस्तो निर्णय
- आन्दोलनरत शिक्षकहरुबाटै पिटिए सिन्धुपाल्चोकस्थित बोल्दे विद्यालयका कार्यालय सहयोगी
- आज साँझसम्म एसईईको नतिजा प्रकाशित गर्ने बोर्डको निर्णय
तपाईको प्रतिक्रिया