एकीकृत शैक्षिक सूचना व्यवस्थापन प्रणाली सञ्चालन निर्देशिका जारी
काठमाडौं । शिक्षा विज्ञान तथा प्रविधि मन्त्रालयले एकीकृत शैक्षिक सूचना व्यवस्थापन प्रणाली सञ्चालन निर्देशिका, २०७९ जारी गरेको छ । शैक्षिक विवरणको संकलन, भण्डारण, प्रशोधन, विश्लेषण, विकास, अभिमुखीकरण तथा प्रयोगलाई विश्वासिलो र भरपर्दो बनाउनका लागि मन्त्रालयले उक्त निर्देशिका जारी गरेको हो ।
सूचना प्रणालीलाई व्यवस्थित बनाएर एकिकृत शैक्षिक सूचना प्रणालीको व्यवस्था गर्न शिक्षा ऐन,२०२८ को दफा १९ (क) ले दिएको अधिकार प्रयोग गरी उक्त निर्देशिका जारी गरिएको मन्त्रालयले जनाएको छ ।
यो निर्देशिकाले शिक्षा क्षेत्रका गतिविधिबारे सर्वसाधारणलाई जानकारी गराएर शैक्षिक सेवालाई प्रभावकारी बनाउन मद्धत गर्ने जनाइएको छ । साथै, शिक्षा क्षेत्रको ठोस नीति निर्धारण गरी सुधार तथा व्यवस्थापन गरी शिक्षाका हरेक गतिविधिलाई अध्यावधिक गरी सूचना प्रविधिमार्फत सार्वजनिक गर्नका लागि निर्देशिका ल्याइएको हो ।