रिलायन्स पब्लिक स्कुलमा नमुना संयुक्त राष्ट्रसंघको ८ औं संस्करण शुरु
![](https://ap-south-1.linodeobjects.com/educationsamachar/2023/09/reliance.jpg)
काठमाडौं । नमुना संयुक्त राष्ट्रसंघको आठौँ संस्करण कपनस्थित रिलायन्स पब्लिक स्कुलमा शुरु भएको छ । रिलायन्स एजुकेशन नेटवर्कको आयोजनामा बिहिबारबाट उक्त संस्करण शुरु भएको हो ।
नेटवर्कका अध्यक्ष रविन्द्रजंग थापाको सभापतित्वमा शुरु भएको उक्त कार्यक्रममा चीनका लागि पूर्व नेपाली राजदूत टंक कार्कीको प्रमुख आतिथ्यता रहेको थियो ।
यसैगरी, युएन हाउस नेपालका प्रतिनिधि सुवास नेपाली विशेष अतिथिका रुपमा रहेका थिए ।
कार्यक्रममा बोल्दै नेपालीले दिगो विकासका लागि यस्ता कार्यक्रमले विद्यार्थीमा नेतृत्व विकास हुने धारणा राखेका थिए ।‘यस्ता कार्यक्रमले विद्यार्थीको धारणामा परिवर्तन ल्याउँछ,’ उनले भने, ‘जसकारण भाबी दिनमा कुशल नेतृत्व उत्पादन गर्न सहयोग गर्छ भन्ने मेरो विश्वास छ ।’
यसैगरी, रिलायन्स एजुकेशन नेटवर्कका संस्थापक निर्देशक राजकुमार सिवाकोटीले धारणा राख्दै यस्ता विषयले विद्यार्थीमा कुटनीतिक क्षमताको अभिवृद्धि गरी विज्ञान र प्रविधिले शुशोभित दक्ष नागरिक निर्माण गर्न यस्ता कार्यक्रमले महत्वपूर्ण भूमिका खेल्ने विश्वास व्यक्त गरे ।
त्यस्तै, कार्यक्रमका प्रमुख अतिथि कार्कीले विद्यार्थीको नेतृत्व विकासका लागि लगनशील हुनुपर्ने धारणा राखेका थिए ।
यसैगरी, नेटवर्कका अध्यक्ष एवम् कार्यक्रमका सभापति थापाले विश्व शान्ति, सद्भाव, भाइचारा, प्रविधिको समुचित प्रयोग विश्व तापमान र त्यसले पार्ने प्रभाव मानवीय नवीन बस्तीको खोजी एवम् सर्वजन हिताय चः भन्ने उद्धेश्यले उक्त कार्यक्रमको आयोजनका गरिएको बताए । ‘विश्वमा भइरहेका जल्दाबल्दा समस्याको जानकारी दिने एवम् त्यस्ता समस्याहरु के कसरी समाधान गर्न सकिन्छ भनेर यो कार्यक्रमको आयोजना गरेका हौँ,’ उनले भने ।
नेटवर्कले विद्यालय एवम् विश्वविद्यालय स्तरका बालबालिकाको क्षमता अभिवृद्धि गरी राष्ट्रिय अन्तर्राष्ट्रिय स्तरका ज्वलन्त समस्याको पहिचान गरी के कसरी समाधान गर्न सकिन्छ भनेर बुझ्न बुझाउन सन् २०१६ मा रिलायन्स स्कुल नमुना राष्ट्रसंघको स्थापना गरिएको जनाइएको छ ।
उक्त समारोहको समापन शनिबार दिउँसो तीन बजे हुँदैछ ।
ताजा अपडेट
- हेल्पद्वारा कक्षा ११ र १२ अध्ययनका लागि ७२ जना विद्यार्थीलाई छात्रवृत्ति प्रदान
- ६ वर्षपछि विपीमा १९५ जना शिक्षकको एक तह बढुवा
- इन्टरनेशनल प्रसिडेन्ट फ्याब्रीसियोको उपस्थितिमा लायन्स डिष्ट्रिक्ट ३२५ ई नेपालको पहिलो बैठक सम्पन्न
- काठमाडौं महानगरद्वारा छात्रवृत्ति परीक्षाको नतिजा सार्वजनिक (नतिजासहित)
- दुई विषयसम्म अनुत्तीर्ण विद्यार्थीले मौका परीक्षा दिन पाउने त्रिभुवन विश्वविद्यालयको निर्णय
- बंगलादेशबाट १७ जना विद्यार्थी नेपाल आइपुगे, अरुको अवस्था के छ ?
- त्रिवि उप–प्राध्यापक छनौट : २०७७ सालमा विज्ञापन, ०८१ मा लिखित परीक्षा !
- को हुन् शिक्षामन्त्री विद्या भट्टराई ? यस्तो छ उनको पृष्ठभूमी
धेरैले पढेको
- नेपालका २५ अब्बल माविहरू (भिडियोसहित)
- चैत १५ गतेबाट एसईई परीक्षा गर्ने बोर्डको निर्णय, पहिलो दिन अंग्रेजी
- एसईई परीक्षा रद्द हुँदा के हुन्छ ? राष्ट्रिय परीक्षा बोर्डका अध्यक्ष शर्माले यसो भने
- काठमाडौं पूर्वी भेगकै उत्कृष्ट मन्टेश्वरी ‘किड्स वर्ल्ड किन्डरगार्टेन’को वार्षिकोत्सव सम्पन्न
- NSL Nepal Open International Pickleball Tournament 2024: A Success Story
- नतिजाका आधारमा देशभरकै टप ५ भित्र मनास्लु वर्ल्ड कलेज
- हजारौं कलेजको भीडमा साउथवेस्टन स्टेटलाई नै किन रोज्ने ?
- सेन्ट लरेन्सलाई ‘कलेज अफ दि इयर’ एवार्ड
तपाईको प्रतिक्रिया