सेन्ट लरेन्सलाई ‘कलेज अफ दि इयर’ एवार्ड

काठमाडौं—सेन्ट लरेन्स कलेजले ‘कलेज अफ दि इएर’को एवार्ड हात पारेको छ । मंगलबार शिक्षालय राष्ट्रिय मासिकले आयोजना गरेको १८औँ नेशनल एजुकेसन एवार्ड समारोहमा सेन्ट लरेन्स कलेजले ‘कलेज अफ दि इएर’को एवार्ड पाएको हो ।

उपप्रधान एवं परराष्ट्रमन्त्री नारायणकाजी श्रेष्ठले श्रेष्ठ लरेन्सका अध्यक्ष केशव दंगाललाई उक्त एवार्ड हस्तान्तरण गरेका थिए । एवार्ड हस्तान्तरणपछि मन्त्री श्रेष्ठले शिक्षा क्षेत्र बिग्रिएमा समाजको विकासक्रम नै बिग्रने भएकाले शिक्षाको पूर्वाधार विकासका लागि सरकारले लगनी बढाउनुपर्ने बताए ।

उक्त एवार्ड समारोहमा शिक्षा क्षेत्रका योगदान गरेका, समाजसेवी, विज्ञ, विद्यालय संचालक, कर्मचारीलगायतलाई समेत विभिन्न एवार्डबाट सम्मान गरिएको थियो ।

एवार्ड छनोटका लागि शिक्षा सेवाका उपसचिव गेहनाथ गौतम, शिक्षा पत्रकार प्रकाश सिलवाल, अभियन्ता विके श्रेष्ठ रहेको निर्णायक समिति र शिक्षाकर्मीहरू दिपीका थापा र रामहरि सिलवाल रहेको स्रोत व्यक्ति समूह गठन बनाइएको थियो ।

चाबहिलस्थित सेन्ट लरेन्स कलेज पछिल्लो समय नेपालका उत्कृष्ट कलेजहरुमा समेत पर्दै आएको छ । कलेजले उत्कृष्ट व्यवस्थापनमा विज्ञान, व्यवस्थापन, मानविकीलगायतका विधामा अध्यापन गराउँदैं आएको छ ।