सफ्टवेरिका कलेजमा ‘क्याप्चर द फ्लाग बुटक्याम्प २०२३’ आयोजना

काठमाडौं—सफ्टवेरिका कलेजले ह्याक द बक्ससँगको सहकार्यमा उच्च प्रत्याशित ‘क्याप्चर द फ्लाग बुटक्याम्प २०२३’ आयोजना गरेको छ ।
कार्यक्रम सफ्टवेरिका सफ्टवेरिका कलेजको एएनएस ईमा आयोजित गरेको थियो । यस कार्यक्रमको मुख्य उद्देश्य साइबर सुरक्षा योग्यता र ज्ञान बढाउनको लागि एक अद्वितीय अवसर प्रदान गर्ने रहेको थियो ।

कार्यक्रममा सहभागी विद्यार्थीहरुले वास्तविक–विश्वसँग मिल्ने साइबर सुरक्षा परिदृश्यहरू जस्तैः ह्याकर र डिफेन्डरहरू जस्तै सोच्ने र आफ्नो सीपहरू विकास गर्ने आवसर पाएका थिए । यो प्रतियोगिता दोस्रो र तेस्रो वर्षका विद्यार्थीहरूका लागि आयोजित गरिएको थियो । जसमा लगभग १५० सहभागीहरूले भाग लिने अपेक्षा गरिएको थियो ।

अतिथि वक्ताहरु र ह्याक द बक्स मिटअप मेन्टरहरु शिशिर सुवेदी, निर्मल थापा, सन्तोष भण्डारी र समिप पोखरेलको उपस्थिति रहेको थियो । यी अनुभवी सल्लाहकारहरूले सहभागीहरूलाई प्रेरित साथसाथै सीटीएफ प्रतियोगितामा उत्कृष्ट हुन आवश्यक पर्ने सीपहरूमा मार्गदर्शन पनि प्रदान गरेका थिए ।

सफ्टवेरिका कलेज उच्च गुणस्तरको शिक्षा प्रदान गर्न र आईटी र कम्प्युटिङको निरन्तर विकसित क्षेत्रको लागि विद्यार्थीहरूलाई तयार गर्न समर्पित शैक्षिक संस्था हो ।