किंङ्स कलेज र नामीले एआईसम्बन्धी शैक्षिक कार्यक्रम संचालन गर्ने
एआईसम्बन्धी दिर्घकालीन अध्यापन संचालन गर्नको लागि हातेमालोको घोषणा
![](https://ap-south-1.linodeobjects.com/educationsamachar/2023/08/kings.jpg)
काठमाडौं—उद्यमशीलता शिक्षामा अग्रणी काठमाडौंस्थित किंङ्स कलेज तथा नेपाल अप्लाइड म्याथमेटिक्स् एण्ड इन्फरमेटिक्स् इन्स्टिट्युट फर रिसर्च (नामी) ले नेपालमा पहिलो पटक आर्टिफिसियल इन्टिलीजेन्स्सम्बन्धी औपचारिक शैक्षिक पाठ्यक्रमलाई कार्यान्वयनमा ल्याउने घोषणा गरेका छन् ।
पछिल्लो समय सूचना प्रविधीको अध्ययन–अध्यापनलाई प्राथमिकता दिएको किंङ्स कलेज र बैज्ञानिक अनुसन्धान केन्द्र, नामीले आज एक साझेदारी सम्झौतामा हस्ताक्षर गर्दै छिट्टै नै ६ महिने परिक्षणात्मक तालिम कक्षा संचालन गर्ने जनाएका हुन् । भने यी दुई संस्थाको सहकार्यमा भविष्यमा आर्टिफिसियल इन्टिलीजेन्स्सम्बन्धी विशिष्ठ तथा एकिकृत पाठ्यक्रमको विकास गरी स्नातक तथा स्नातकोत्तर तहको शिक्षण कार्यक्रम संचालन गर्ने बताइएको छ ।
ब्यक्ति तथा संस्थाहरुको विशिष्टकृत आवश्यकता परिपूर्ती गर्नको लागि आवश्यक उच्च गुणस्तरीय कार्यक्रमको डिजाइन गरी वितरण गर्नको लागि किंङ्स कलेज र नामीले हातेमालो गरेका हुन् ।
सुरुवाती चरणमा सूचना प्रविधी तथा इञ्जिनियरिङ्ग विधामा काम गरिरहेकाहरुलाई लक्षित गरेता पनि पछि विधार्थी तथा आर्टिफिसियल इन्टिलीजेन्स् क्षेत्रमा रुची राख्ने जोकसैले पनि यस शिक्षण कार्यक्रममा सहभागी हुन पाउने कलेजले जानकारी दिएको छ । तथापी यस कार्यक्रममा सहभागी हुन चाहनेहरुले पाइथन प्रोग्रामिङ्ग चलाउन जानेको हुनुपर्नेछ ।
‘शिक्षाले मानिसलाई बर्तमान समस्याको समाधान गर्न र समयअनुसार विभिन्न परिस्थितीको सामना गर्न सक्षम गराउनुका साथसाथै समयसान्दर्भिक शिप तथा सामथ्र्यको विकासमा सघाउनुपर्दछ भन्ने हाम्रोे सोच रहेको छ,’ कलेजका कार्यकारी निर्देशक नरोत्तम अर्याल भन्छन्, ‘पछिल्लो समय विश्वमै मुलधार प्रबृत्तीको रुपमा विकास भैरहेको आर्टिफिसियल इन्टिलीजेन्स्को क्षेत्रमा नेपालले पनि फड्को मार्न सकोस् भन्ने उदेश्यको साथ नामीसँग साझेदारी गरिएको हो ।’
कलेजले शिक्षालाई परम्परागत चारकोठे सिकाइ प्रणालीको रुपमा मात्र सिमित नराखी आधुनिक समाजमा देखापरिरहेको चुनौतीको सम्बोधन गर्न, नयाँ अवसरहरुबाट लाभ लिन र आधुनिक चालचलन तथा प्रबृत्तीहरुलाई अंगीकार गरी समाज तथा राष्ट्रको विकासमा टेवा पु¥याउन सक्षम नागरिकको श्रृजना गर्न विभिन्न पहल तथा परियोजनाहरु संचालन गरिरहेको अर्यालले जानकारी दिए ।
‘आर्टिफिसियल इन्टिलीजेन्स्सम्बन्धी हामीले संचालन गर्न लागेको शिक्षण कार्यक्रम सोही परियोजनाहरुमध्येको एक हो जसबाट हासिल ज्ञानले नेपालमा पनि विभिन्न जटिल क्रियाकलापहरु सहजताका साथ सम्पन्न गराउन सकिने एवं आर्थिक क्षेत्रमा चलायमानता ल्याउन सकिने मैले विश्वास लिएको छु,’ उनी थप्छन् ।
यसका साथै विद्यार्थीहरुले आर्टिफिसियल इन्टिलीजेन्स्को क्षेत्रमा रोजगारीका साथसाथै ब्यवसायमा पनि सफलता हासिल गर्न सकुन् भन्ने यस कार्यक्रमको अभिप्राय रहेको छ ।
विश्वब्यापी क्षेत्रमा आर्टिफिसियल इन्टेलीजेन्स्को तीब्र विकास भैरहेको परिप्रेक्षमा नेपालमा पनि यस क्षेत्रप्रति आममानिसको चासो र रुची बढिरहेको यथार्थलाई ध्यानमा राखी यस विषयबारे प्राज्ञिक शिक्षा प्रदान गरी आवश्यक जनशक्ति तयार गर्ने उदेश्यका साथ शैक्षिक कार्यक्रम संचालन गर्न लागिएको नामीका सह—संस्थापक तथा निर्देशक डा. विशेष खनालले जानकारी दिए ।
ताजा अपडेट
- हेल्पद्वारा कक्षा ११ र १२ अध्ययनका लागि ७२ जना विद्यार्थीलाई छात्रवृत्ति प्रदान
- ६ वर्षपछि विपीमा १९५ जना शिक्षकको एक तह बढुवा
- इन्टरनेशनल प्रसिडेन्ट फ्याब्रीसियोको उपस्थितिमा लायन्स डिष्ट्रिक्ट ३२५ ई नेपालको पहिलो बैठक सम्पन्न
- काठमाडौं महानगरद्वारा छात्रवृत्ति परीक्षाको नतिजा सार्वजनिक (नतिजासहित)
- दुई विषयसम्म अनुत्तीर्ण विद्यार्थीले मौका परीक्षा दिन पाउने त्रिभुवन विश्वविद्यालयको निर्णय
- बंगलादेशबाट १७ जना विद्यार्थी नेपाल आइपुगे, अरुको अवस्था के छ ?
- त्रिवि उप–प्राध्यापक छनौट : २०७७ सालमा विज्ञापन, ०८१ मा लिखित परीक्षा !
- को हुन् शिक्षामन्त्री विद्या भट्टराई ? यस्तो छ उनको पृष्ठभूमी
धेरैले पढेको
- नेपालका २५ अब्बल माविहरू (भिडियोसहित)
- चैत १५ गतेबाट एसईई परीक्षा गर्ने बोर्डको निर्णय, पहिलो दिन अंग्रेजी
- एसईई परीक्षा रद्द हुँदा के हुन्छ ? राष्ट्रिय परीक्षा बोर्डका अध्यक्ष शर्माले यसो भने
- काठमाडौं पूर्वी भेगकै उत्कृष्ट मन्टेश्वरी ‘किड्स वर्ल्ड किन्डरगार्टेन’को वार्षिकोत्सव सम्पन्न
- NSL Nepal Open International Pickleball Tournament 2024: A Success Story
- नतिजाका आधारमा देशभरकै टप ५ भित्र मनास्लु वर्ल्ड कलेज
- हजारौं कलेजको भीडमा साउथवेस्टन स्टेटलाई नै किन रोज्ने ?
- सेन्ट लरेन्सलाई ‘कलेज अफ दि इयर’ एवार्ड
तपाईको प्रतिक्रिया