बालेनको एक्सन : अब विद्यालयका सटरको भाडा सम्झौता नवीकरण नहुने

काठमाडौं । काठमाडौं महानगरपालिकाले आफ्नो सेवाभित्रका सामुदायिक विद्यालयलाई सटर भाडा सम्झौता नवीकरण नगर्न निर्देशन दिएको छ । महानगरपालिकाको शिक्षा विभागले सम्झौता अवधि समाप्त भएका सटरको भाडा नवीकरण नगर्न सामुदायिक विद्यालयहरूलाई निर्देशन दिएको हो ।

सम्झौता अवधि बाँकी भएका सटर भने उक्त समयसम्म सञ्चालन गर्न पाइने छ । महानगरभित्रका केही सामुदायिक विद्यालयले आफ्नो भवन वा हातामा सटर बनाएर भाडामा लगाउँदै आएका छन् । कतिपय विद्यालयले टहरासमेत बनाएर भाडामा लगाएका छन् ।

विद्यालयमा बनाइएका यस्ता कतिपय सटरको नक्सा पाससमेत नभएको महानगर शिक्षा विभागकी निमित्त विभागीय प्रमुख सरस्वती पोखरेलले जानकारी दिइन् ।