रिलायन्सको खेलकुद सप्ताह सुरु
काठमाडौं-रिलायन्स इन्टरनेसनल एकेडेमीको २४ औँ वार्षिक खेलकुद सप्ताह सुरु भएको छ । बुधबारदेखि एकेडेमीमा सुरु भएको खेलकुद सप्ताहको उद्घाटन बुढानीलकण्ठ नगरपालिकाका प्रवक्ता एवं वडा नं. १० का वडाध्यक्ष नवराज भट्टराईले गरेका हुन् ।
उद्घाटनका क्रममा आफ्नो मन्तव्य राख्दै प्रमुख अतिथि भट्टराईले शैक्षिक गुणस्तरीयता मात्र नभई अतिरिक्त क्रियाकलाप समेतमा विशेष जोड दिनुपर्ने बताए । बालबालिकाको सम्पूर्ण विकासका लागि खेल अनिवार्य रहेको कुरा बताउँदै सम्पूर्ण खेलाडीहरुलाई सफलताको शुभकामना व्यक्त गरे ।
रिलायन्स इन्टरनेसनल एकेडेमीका प्रिन्सिपल खेमलाल भुषालले विद्यालयले विषयगत शिक्षा मात्र नभई अतिरिक्त क्रियाकलापलाई पनि विशेष जोड दिदै आएकाले वार्षिक क्यालेन्डर अनुसार खेलकुद सप्ताह आयोजना गरेको बताए ।
वार्षिक खेल सप्ताहको शुभकामना दिँदै रिलायन्स शैक्षिक प्रतिष्ठानका अध्यक्ष रविन्द्रजंग थापाले बालबालिकाको मानसिक विकास, शारीरिक विकास र शैक्षिक विकास सहज रुपमा बढ्नुपर्ने कुरा बताउँदै खेलकुदले यी तिनै कुराको विकासमा महत्वपूर्ण भूमिका खेल्ने बताए ।
ड्रिल एवम् मार्चपास सहितको उद्घाटन समारोहमा कपन तेक्वान्दो डोजाङ्गले आफ्नो खेल कौशल प्रस्तुत गरी अतिथि एवम् विद्यार्थीलाई मनोरञ्जन प्रदान गरेको थियो ।
खेलकुद सप्ताहमा नर्सरीदेखि कक्षा ९ सम्म अध्ययनरत विद्यार्थीहरूले भाग लिनेछन् । करिब १५ भन्दा बढी खेलका विधाहरू समावेश गरिएको खेल सप्ताहमा सबै तहका विद्यार्थीहरूलाई तहगत रुपमा उपयुक्त खेलहरू खेलाइने कुरा विद्यालयका अतिरिक्त क्रियाकलाप कोअर्डिनेटर श्रीधर प्रसाद पौडेलले बताए ।
फुटसल, बास्केटबल, भलिबल, कबड्डी, ब्याडमिन्टन, टेबल टेनिस, तान डोरी, चेस, १०० मिटर दौड, ४०० मिटर रिले दौड, सटपुट लगायतका प्रमुख खेलहरू समावेश गरिएको खेलकुद सप्ताहमा प्राथमिक तहका विद्यार्थीहरूका लागि पोर्टबल, टनेल बल, ओभरहेड बल, मार्बल एण्ड स्पोन, फिल इन द जार, ककफाइट विथ बेलुन लगायतका खेलहरू खेलाइने छ ।
ताजा अपडेट
- गुणस्तरीय स्वास्थ्य–शिक्षा उपलब्ध गराउन सरकार प्रतिबद्ध छ : प्रधानमन्त्री
- कक्षा १२ को परीक्षा आजदेखि सुरु, ३ लाख ९० हजार ८४७ परीक्षार्थी सहभागी
- त्रिविका प्रमुख कानुनी सल्लाहकार खनाललाई कारबाही नगर्न सर्वोच्चको अन्तरिम आदेश
- राजनीतिमा लागेका शिक्षकमाथि होला त कारबाही ?
- विश्वविद्यालयबाट निस्किँदा विद्यार्थीहरू सक्षम र चरित्रवान भएर निस्किनुपर्छ : प्रधानमन्त्री
- पहिलोपटक र्याण्डम विधिबाट तोकियो कक्षा १२ को परीक्षा केन्द्र, कसको सेन्टर कहाँ ? (सूचिसहित)
- काठमाडौं पूर्वी भेगकै उत्कृष्ट मन्टेश्वरी ‘किड्स वर्ल्ड किन्डरगार्टेन’को वार्षिकोत्सव सम्पन्न
- नवप्रवर्तनमा आधारित समयसापेक्ष पाठ्यक्रम लागु गर्नुपर्छ : प्रधानमन्त्री
धेरैले पढेको
- चैत १५ गतेबाट एसईई परीक्षा गर्ने बोर्डको निर्णय, पहिलो दिन अंग्रेजी
- एसईई परीक्षा रद्द हुँदा के हुन्छ ? राष्ट्रिय परीक्षा बोर्डका अध्यक्ष शर्माले यसो भने
- काठमाडौं पूर्वी भेगकै उत्कृष्ट मन्टेश्वरी ‘किड्स वर्ल्ड किन्डरगार्टेन’को वार्षिकोत्सव सम्पन्न
- NSL Nepal Open International Pickleball Tournament 2024: A Success Story
- सेन्ट लरेन्सलाई ‘कलेज अफ दि इयर’ एवार्ड
- आफ्ना दर्जन कवितासँगै गुञ्जिइन् जयन्ती ‘स्पन्दन’
- त्रिभुवन विश्वविद्यालयको उपकुलपतिमा प्रा.डा. बराल नियुक्त, यस्तो छ उनको पृष्ठभूमी
- कस्तो हुनुपर्छ जनप्रतिनिधि ?
तपाईको प्रतिक्रिया