अरनिको आवासीय माविको ओरेन्टेसन कार्यक्रम सम्पन्न

विराटनगर—विराटनगरस्थित अरनिको आवासीय माविले ओरेन्टेसन कार्यक्रम सम्पन्न गरेको छ । गत मंगलबार एक कार्यक्रम आयोजना गरेर नयाँ भर्ना भएका विद्यार्थीहरुलाई ओरेन्टेसन तथा वेलकम गरिएको माविका प्रिन्सिपल राजेश कार्कीले जानकारी दिए ।

पूर्वी क्षेत्रको उत्कृष्ट माविमा परेको अरनिकोमा विज्ञान संकायमा ९२० र व्यवस्थापन संकायमा ८० जना विद्यार्थी भर्ना भएका छन् ।

ओरेन्टेसन कार्यक्रममा नयाँ भर्ना भएका विद्यार्थीहरुलाई कलेजको नीति, नियम, अनुशासन र अध्ययन शैलीका विषयमा जानकारी दिइएको थियो ।

कार्यक्रमको प्रमुख अतिथी विराटनगर महानगरपालिका प्रमुख नागेश कोइराला रहेका थिए । कोइरालाले प्रविधिसँगै सीप र संस्कारसहितको शिक्षा आजको आवश्यकता भएकोले बताए । ‘विद्यार्थीहरुलाई गुणस्तरीय शिक्षा प्रदान गरेर विद्यालयहरु अगाडि बढ्नुपर्छ,’ उनले भने ।

माविका प्रिन्सिपल कार्कीले शिक्षक र व्यवस्थापनको निरन्तरको मेहनत नै उत्कृष्ट नतिजाको कारक रहेको बताए । ‘शिक्षक र व्यवस्थापनको निरन्तरको मेहनत नै हाम्रो उत्कृष्ट नतिजाको कारक हो,’ प्रिन्सिपल कार्कीले भने ।

कार्यक्रममा कलेजले लिएको आन्तरिक परीक्षामा उत्कृष्ट हुने विद्यार्थीलाई पुरस्कार पनि प्रदान गरिएको थियो ।

कार्यक्रममा उत्प्रेरक डा. तारा गिरी, विराटनगर १० का वडाअध्यक्ष अर्जुन गिरी, अरनी माविको संस्थापक लक्ष्मीप्रसाद अधिकारी, महेन्द्र मोरङ आदर्श बहुमुखी क्याम्पसको क्याम्पस प्रमुख डिल्ली पोखरेललगायतको उपस्थीति रहेको थियो ।

वि.सं. २०५६ सालदेखि कक्षा ११ र १२ को अध्यापन गराउँदैं आएको अरनिको आवासीय सेकेण्डरी स्कुल आफ्नो लिगेसीलाई निरन्तर अब्बल नतिजामार्फत प्रमाणित गर्दै आएको छ ।