रिलायन्स कलेजको विद्यार्थी स्वागत तथा बिदाई कार्यक्रम सम्पन्न
काठमाडौं । रिलायन्स इन्टरनेशनल एकेडेमीले कक्षा ११ का विद्यार्थीलाई स्वागत तथा कक्षा १२ का विद्यार्थीलाई विदाई कार्यक्रम सम्पन्न गरेको छ । कमलादीस्थित प्रज्ञा प्रतिष्ठानमा एक भव्य समारोहकाबीच एकेडेमीले स्वागत तथा विदाई कार्यक्रम सम्पन्न गरेको हो ।
कार्यक्रममा नेपाल धितोपत्र बोर्डका अध्यक्ष रमेश हमाल प्रमुख अतिथिका रुपमा थिए । त्यस्तै, विशेष अतिथिका रुपमा एन्फाका अध्यक्ष पंकज विक्रम नेम्वाङ रहेका थिए ।
रिलायन्स एजुकेशन नेटवर्कका एवम् कलेजका प्रिन्सिपल रवीन्द्रजंग थापाको सभापतित्वमा सम्पन्न कार्यक्रममा रिलायन्स एजुकेशन नेटवर्कका संस्थापक निर्देशक एवम् कलेज सहायक प्रिन्सिपल नन्दुप्रसाद कुशुवाहले मन्तव्यमार्फत अतिथि तथा विद्यार्थीहरुलाई स्वागत गरेका थिए ।
त्यस्तै, विद्यार्थीहरुको तर्फबाट कक्षा १२ की छात्रा विश्वकला नेपाललले स्वागत मन्तव्य दिएकी थिइन् ।
कार्यक्रमका विशेष अतिथि पंकजविक्रम नेम्वाङले रिलायन्सले शिक्षामा महत्वपूर्ण योगदान पुर्याएको भन्दै प्रशंसा गरे । ‘शिक्षा क्षेत्रमा रिलायन्सको पहिचान राम्रो रहेको कुरामा म जानकार छु,’ उनले भने, ‘विश्वमै लोकप्रिय खेल फुटबलको क्षेत्रमा पनि यहाँहरुले गर्दै आउनुभएको सहयोगलाई स्मरण गर्दै भविष्यमा फुटबलको क्षेत्रमा यहाँहरुको लगाब, माया र सहयोग निरन्तर रहोस् ।’
महिला राष्ट्रिय फुटबल टिमकी खेलाडी दीपा शाही जस्तो प्रभावशाली खेलाडी जन्माउन सफल भएकोमा नेम्वाङले कलेजलाई धन्यवादसमेत दिए । ‘भविष्यमा रिलायन्सले दीपा शाही जस्तै पुरुष खेलाडी पनि दिनेछ भन्ने विश्वास लिएका छौँ,’ उनले भने ।
त्यस्तै, कार्यक्रमका प्रमुख अतिथि हमालले रिलायन्स कलेजले दुई दशकको यात्रामा आफूलाई अब्बल विद्यालयको रुपमा स्थापित गराएको शुभकामना व्यक्त गरे । त्यस्तै, उनले पछिल्लो समय कक्षा १२ अध्ययनपछि विद्यार्थीहरु विदेशीन बाध्य भएको स्मरण गर्दै त्यसलाई रोक्न सबैले हातेमालो गर्नुपर्ने बताए । कार्यक्रममा उनको बायोग्राफीसमेत देखाइएको थियो ।
त्यस्तै, नेपाल विद्यार्थी संघका पूर्व महामन्त्री मनोज वैद्यले नकारात्मक कुरा छोडेर सकारात्मक कुराहरु अँगाल्दै जीवनको लक्ष्य प्राप्तीका लागि अघि बढ्न विद्यार्थीहरुलाई हौसला प्रदान गरे । त्यस्तै, त्यो तहकाृे शिक्षा दिनका लागि रिलायन्स कलेज सक्षम रहेको समेत बताए ।
कार्यक्रमका सभापति एवम् नेटवर्कका अध्यक्ष रवीन्द्रजंग थापाले नेपालका ७० भन्दा बढी जिल्लाबाट उत्साह, उमंग, जोश र सपना बोकेर रिलायन्स एकेडेमीको २१ औँ व्याचअन्तर्गत कक्षा ११ मा भर्ना भएका विद्यार्थीलाई स्वागत गरेका थिए । साथै, २०८० सालमा कक्षा १२ बाट दिक्षित हुने विद्यार्थीलाई बधाईसमेत दिए ।
साथै, थापाले कलेजले हालसम्म प्राप्त गरेको उपलब्धिलाईसमेत कार्यक्रममा बताएका थिए । कार्यक्रममा बोल्दै थापाले भने, ‘शिक्षण संस्था प्रमाणपत्र वितरण गर्ने संस्थामात्र नभएर जीवन रुपान्तरण गर्न सक्नुपर्छ,’ उनले भने, ‘त्यो शिक्षा दिन हामी प्रतिवद्ध छौँ ।’
रिलायन्सले शिक्षण सिकाइ क्रियाकलापमा विद्यार्थीलाई हरक्षेत्रमा अब्बल बनाउन इसिए र सिसिएलाई सँगसँगै लिएर गएको थापाले बताए । ‘हामीले हाम्रा विद्यार्थीलाई कसरी व्यक्तित्व विकास गराउन सक्छौँ भन्ने कुरा शिक्षण सिकाइमा जोडेका छौँ,’ उनले भने, ‘त्यसैले रिलायन्समा अध्ययन गरेका विद्यार्थीहरु आज नेपालको महिला राष्ट्रिय फुटबल टिममा पर्नुभएको छ । यसैगरी, कला साहित्यका क्षेत्रमा पनि हाम्रा विद्यार्थीहरु अब्बल छन् ।’
२०६० सालमा काठमाडौं उत्तरपूर्वी भेगका शैक्षिक अभियन्ताहरुले शुरु स्थापना गरेको रिलायन्स पछिल्लो समय विद्यार्थीहरुको रोजाईमा पर्दै आएको कलेज हो । जीवनलाई परिणाममूखी बनाउने उद्धेश्यका साथ स्थापना भएको यस कलेजले विद्यार्थीलाई सफल र असल बनाउने प्रयास गरिरहेको उनले बताए ।
दुई दशकको शैक्षिक इतिहास बोकेको यस एकेडेमीका हजारौं विद्यार्थीहरु पेसागत व्यावसायिक र शैक्षिक रुपमा अब्बल साबित बन्दै आएको उनले सुनाए ।
भरपर्दो, विश्वसनीय, स्वतन्त्र सर्वेक्षणबाट रिलायन्स एकेडेमी पटकपटक टपटेन सूचिमा पर्दै आएकोसमेत उनले स्मरण गरे । ‘यसवर्ष पनि एजुकेशन समाचारले गरेको सर्वेक्षणमा देशभरका ८ हजार ८ सय ६ माविमध्ये रिलायन्स एकेडेमी टप ४ मा पर्न सफल भएको थियो,’ उनले भने ।
संस्कार, संस्कृति, सद्भाव, सहअस्तित्व, आदरभाव, आत्मसम्मान रिलायन्सका मौलिक पहिचान बनेको उनको ठम्याइ छ ।
कोभिड महामारीसँगै रिलायन्स एजुकेशन नेटवर्कले नमस्ते संस्कृति र दुई मिनेटको मेडिटेसनलाई स्थापित गरेको कलेजका इसिए तथा सीसीए कोअर्डिनेटर गोविन्द ढकालले बताए । कार्यक्रम सञ्चालक समेत रहेका ढकालले भने, ‘हामी कुनैपनि कक्षा सुरु हुनुभन्दा अघि गरिएको मेडिटेसनले विद्यार्थीलाई एकचित्त र शान्त बनाउने गरेको हामीले विश्वास लिएका छौँ ।’
कार्यक्रममा विद्यार्थीहरुले विभिन्न प्रस्तुति दिएका थिए ।
ताजा अपडेट
- हेल्पद्वारा कक्षा ११ र १२ अध्ययनका लागि ७२ जना विद्यार्थीलाई छात्रवृत्ति प्रदान
- ६ वर्षपछि विपीमा १९५ जना शिक्षकको एक तह बढुवा
- इन्टरनेशनल प्रसिडेन्ट फ्याब्रीसियोको उपस्थितिमा लायन्स डिष्ट्रिक्ट ३२५ ई नेपालको पहिलो बैठक सम्पन्न
- काठमाडौं महानगरद्वारा छात्रवृत्ति परीक्षाको नतिजा सार्वजनिक (नतिजासहित)
- दुई विषयसम्म अनुत्तीर्ण विद्यार्थीले मौका परीक्षा दिन पाउने त्रिभुवन विश्वविद्यालयको निर्णय
- बंगलादेशबाट १७ जना विद्यार्थी नेपाल आइपुगे, अरुको अवस्था के छ ?
- त्रिवि उप–प्राध्यापक छनौट : २०७७ सालमा विज्ञापन, ०८१ मा लिखित परीक्षा !
- को हुन् शिक्षामन्त्री विद्या भट्टराई ? यस्तो छ उनको पृष्ठभूमी
धेरैले पढेको
- नेपालका २५ अब्बल माविहरू (भिडियोसहित)
- चैत १५ गतेबाट एसईई परीक्षा गर्ने बोर्डको निर्णय, पहिलो दिन अंग्रेजी
- एसईई परीक्षा रद्द हुँदा के हुन्छ ? राष्ट्रिय परीक्षा बोर्डका अध्यक्ष शर्माले यसो भने
- काठमाडौं पूर्वी भेगकै उत्कृष्ट मन्टेश्वरी ‘किड्स वर्ल्ड किन्डरगार्टेन’को वार्षिकोत्सव सम्पन्न
- NSL Nepal Open International Pickleball Tournament 2024: A Success Story
- नतिजाका आधारमा देशभरकै टप ५ भित्र मनास्लु वर्ल्ड कलेज
- हजारौं कलेजको भीडमा साउथवेस्टन स्टेटलाई नै किन रोज्ने ?
- सेन्ट लरेन्सलाई ‘कलेज अफ दि इयर’ एवार्ड
तपाईको प्रतिक्रिया