मनसुन पिकलबल च्याम्पियनसीप–२०२४ मा नेपाली खेलाडीहरुको उत्कृष्ट प्रदर्शन

काठमाडौं । मनसुन पिकलबल च्याम्पियनसीप–२०२४ मा नेपाली खेलाडीहरुले उत्कृष्ट प्रदर्शन गरेका छन् । भारतको मुम्बईमा गत अगष्ट २० देखि २५ सम्म भएको उक्त प्रतियोगितामा नेपालका विभिन्न उमेरसमूहका खेलाडीहरुले प्रतिस्पर्धा गरेका हुन् ।

ग्लोबल स्पोर्टस् इन्डियाद्वारा आयोजित उक्त प्रतियोगितामा एक हजारभन्दा बढी खेलाडीहरुले सहभागिता जनाएका थिए । प्रतियोगिता नेस्को प्रदर्शनी केन्द्रमा भएको थियो ।

उक्त प्रतियोगितामा नेपालका तर्फबाट सिंगल र डबल खेलमा खेलाडीहरु सहभागिता जनाएका थिए । जसमा ३० वर्षभन्दा माथि, ४० वर्षभन्दा माथि, १९ वर्षभन्दा मुनी, १८ वर्षभन्दा मुनी विधामा खेलाडीहरु सहभागि भएका थिए ।

अण्डर–१९ का बीचमा भएको प्रतिस्पर्धामा समीर पोखरलले कास्य पदक जितेका थिए । त्यस्तै, अण्डर–१८ डबलमा पनि समीर र सुवर्ण शाहले कास्य पदक जितेका हुन् ।

३० वर्षभन्दा माथिका खेलाडीमा भएको प्रतिस्पर्धामा नेपालका खेलाडी जाक्सन सुवेदी र मनोज कुमार प्रि क्वाटरफाइनलसम्म पुगेका थिए । त्यस्तै, ४० वर्षभन्दा माथिका खेलाडीका विचमा भएको प्रतिस्पर्धामा नेपालका खेलाडी फत्यबहादुर खड्का र मनोज कुमार पनि प्रि क्वाटर फाइनलसम्म पुगेका थिए ।

यसैगरी, ५० भन्दा माथिका खेलाडीबीच भएको प्रतिस्पर्धामा नेपालका खेलाडी फत्यबहादुर खड्काले भारतीय खेलाडीसँग प्रतिस्पर्धा गरेका थिए ।