केयुद्वारा १०७ जना प्रोफेसर, एशोसियट प्रोफेसर र एसिस्टेन्ट प्रोफेसर र लेक्चरर माग

धुलिखेल—काठमाडौं विश्वविद्यालयले आफ्ना विभिन्न स्कुलहरुकाका लागि प्रोफेसर, एसोसियट प्रोफेसर, एसिस्टेन्ट प्रोफेसर र लेक्चर गरी १०७ जना कर्मचारीका लागि आवेदन माग गरेको छ । बिहीबार विश्वविद्यालय एक सूचना प्रकाशित गर्दै प्रोफेसर, एसोसियट प्रोफेसर, एसिस्टेन्ट प्रोफेसर र लेक्चरसहित १०७ जनाका लागि आवेदन खुलाएको हो ।

केयुले स्कुल अफ मेडिसिनका लागि ३९ जना प्राज्ञिक जनशक्ति मागेको छ भने अन्य स्कुलहरुका लागि ६८ जना प्राज्ञिक जनशक्तिका लागि आवेदन खुलाएको छ ।

केयु र धुलिखेल अस्पतालबीचको सम्झौता ब्रेक हुने चर्चाकाबीच स्कुल अफ मेडिकल साइन्सेजका लागि १० जना प्रोफेसर, १० जना एसोसियट प्रोफेसर, १३ जना एसिस्टेन्ट प्रोफेसर र छ जना लेक्चर गरी ३९ जनाका लागि आवेदन माग गरेको छ ।

केयुले स्कुल अफ आर्टका लागि तीन जना प्रोफेसर, एक जना असिस्टेन्ट प्रोफेसर र दुई जना लेक्चर माग गरेको छ । यसैगरी, स्कुल अफ एजुकेशनका लागि तीन जना प्रोफेसर, दुई जना एशोसियट प्रोफेसर, चार जना एसिस्टेन्ट प्रोफेसर माग गरेको छ ।

स्कुल अफ इन्जिनियरिङका लागि पाँच जना प्रोफेसर, तीन जना एसोसियट प्रोफेसर, १५ जना एसिस्टेन्ट प्रोफेसर माग गरेको छ । स्कुल अफ लका लागि चार जना एसिस्टेन्ट प्रोफेसर र एक जना लेक्चरको आवेदन खुलाएको छ ।

स्कुल अफ म्यानेजमेन्टका लागि दुई जना प्रोफेसर, छ जना एसिस्टेन्ट प्रोफेसर माग गरिएको छ भने स्कुल अफ साइन्सका लागि पाँच जना प्रोफेसर, पाँच जना एसोसियट प्रोफेसर र सात जना एसिस्टेन्ट प्रोफेसर माग गरिएको छ ।